Ainur Shaimerdenova Petropavl qalasy ákiminiń áleýmettik máseleler jónindegi orynbasary qyzmetine taǵaiyndaldy, dep habarlaidy dalanews.kz.
Qalalyq ákimdiktiń málimetinshe, Ainur Qairatqyzy 1992 jylǵy 25 tamyzda Soltústik Qazaqstan oblysynda dúniege kelgen.
Ol 2014 jyly M. Qozybaev atyndaǵy Soltústik Qazaqstan memlekettik ýniversitetin "Quqyqtaný" mamandyǵy boiynsha támamdaǵan. Al 2021 jyly Resei Federatsiiasy prezidenti janyndaǵy Resei halyq sharýashylyǵy jáne memlekettik qyzmet akademiiasynda "Memlekettik jáne mýnitsipaldyq basqarý" mamandyǵy boiynsha bilim alǵan.
Ainur Shaimerdenova Soltústik Qazaqstan oblysynyń Óńirlik kadr rezervine engizilgen.
Eńbek jolyn 2008 jyly bastaǵan. Ár jyldary memlekettik qyzmet, sybailas jemqorlyqqa qarsy is-qimyl, korporativtik basqarý jáne komplaens salalarynda eńbek etken.
Jańa qyzmetke taǵaiyndalǵanǵa deiin Aýyl sharýashylyǵy ministrligine qarasty "Ulttyq agrarlyq ǵylymi-bilim berý ortalyǵy" KEAQ-nyń korporativtik hatshysy qyzmetin atqarǵan.
