Kórshi elder jyl sońynda demalyp jatqanda, tek Qazaqstanda 31 jeltoqsan áli de jumys kúni bolyp tur. Qoǵam belsendileri men kei depýtattar jyldar boiy bul kúndi resmi demalys etýge shaqyrsa da, Úkimet usynysty quptamady, dep habarlaidy Dalanews.kz inbusiness.kz-ke siltep.
Bul talapqa birneshe sebep bar:
- postkeńestik elderdiń kóbinde 31 jeltoqsan tolyq nemese jartylai demalys;
- bul kúni kóp adam jumysta shala-pula otyrady, merekege daiyndalý úshin erte suranady;
- joǵary laýazymdy tulǵalar da jyl sońynda issaparsyz, jiynsyz, kóbine demalysta júredi.
Eńbek ministrligi bekitken 2025 jylǵy kúntizbede 31 jeltoqsan - jumys kúni. Ol sársenbige túsedi. Qazaqstandyqtar tek 1-4 qańtar aralyǵynda demalady. Onyń ishinde 3-4 qańtar - ádettegi demalys kúnderi. Iaǵni qosylǵany - tek eki kún.
5-6 qańtar - jumys kúni, 7 qańtar - Rojdestvoǵa arnalǵan demalys.
Kórshi elderde jaǵdai ózgeshe:
- Ázerbaijan: 31 jeltoqsan - demalys kúni. Jańa jylmen birge uzaq kanikýl beriledi.
- Belarýs: Jumys kúnderin aýystyrý arqyly 31 jeltoqsandy demalys etýge múmkindik bar. Elde birneshe kún uzaq demalys qarastyrylǵan.
- Resei: Eń uzaq kanikýl - 12 kún. 31 jeltoqsan resmi demalysqa kóshirilgen.
- Qyrǵyzstan: Kóp jumys berýshi 31 jeltoqsandy demalys qylady. 1-7 qańtar aralyǵy - tolyq mereke.
Al Qazaqstanda jeltoqsanda bar bolǵany 9 kún demalys bar, onyń tek bireýi - resmi mereke.
Sondyqtan kópshilik jańa jylǵa daiyndalýǵa ýaqyt jetpeitinin aityp, 31 jeltoqsandy resmi demalys etý týraly máseleni taǵy da kóterip otyr.
