Alakóldiń Abai oblysyndaǵy jaǵalaýynda politsiia kúsheitilgen jumys rejimine kóshti,- dep habarlaidy Dalanews.kz
Jazǵy týristik maýsymnyń bastalýyna bailanysty Alakól jaǵalaýynda politsiia qyzmetkerleri qoǵamdyq tártipti saqtaý, sanitarlyq qaýipsizdikti qamtamasyz etý jáne óńirge kelgen demalýshylarǵa jaily jaǵdai jasaý úshin kúsheitilgen rejimde qyzmet atqarýda.
Sanitariialyq-epidemiologiialyq qyzmetpen birlesip turaqty túrde reidtik is-sharalar ótkizilip jatyr. Bul rette sanitarlyq normalardy buzý, ruqsatsyz saýdamen ainalysý, sondai-aq jaǵalaý aýmaǵyndaǵy tazalyq pen tynyshtyqty buzatyn quqyqqa qarsy áreketterdi anyqtaýǵa erekshe nazar aýdarylýda.
"Maýsym bastalǵaly beri politsiia qyzmetkerleri 300-ge jýyq ákimshilik quqyq buzýshylyqty anyqtady. Onyń ishinde eń kóp tirkelgeni — ortaq paidalanýdaǵy oryndardy lastaý boiynsha 141 jaǵdai. Sonymen qatar, mal jaiýǵa tyiym salynǵan aýmaqtarda — 74 jaǵdai, abattandyrý qaǵidalaryn buzý — 15, ruqsat etilmegen saýda — 22 fakti anyqtaldy. Sondai-aq, kólik quralyn mas kúide basqarýdyń 13 jaǵdaiy, qujatsyz basqarýdyń 7 deregi jáne jaiaý júrginshiler tarapynan 8 quqyq buzýshylyq tirkeldi", - delingen habarlamada.
Tártip saqshylary tarapynan profilaktikalyq jumys turaqty túrde júrgizilýde.
Abai oblysy Politsiia departamenti demalýshylardy Alakóldiń biregei tabiǵatyn saqtap, barshaǵa qaýipsiz ári jaily demalys maýsymyn qamtamasyz etý úshin qoǵamdyq tártip pen tazalyqty saqtaýǵa shaqyrady.
