Natasha Qalymbetova Batys Qazaqstan oblysynda osydan 30 jyl buryn zorlanǵanyn aityp, qazir osy is boiynsha sottasyp júr. Ol 17 jasynda 4 aýyldasy zorlaǵanyn aitqan edi. Keiin osy qaiǵyny ómir boiy júregine júk qylyp, shetelde ómir súrgen, dep habarlaidy dalanews.kz Tizgin.kz-ke siltep.
Natasha Qalymbetova óz isine qatysty jańa málimetti bólisti. Onyń aitýynsha, uzaq ýaqyt boiy qozǵalmaǵan qylmystyq is boiynsha tergeý alǵa jyljyǵan.
Qalymbetovanyń sózinshe, ózi tapsyrǵan biologiialyq úlgiler AQSh-ta turatyn qyzynyń DNQ-symen salystyrý úshin sol elge jiberilgen. Endi qyzy da saraptamaǵa material tapsyrady. Osydan keiin ol Qazaqstanǵa kelmek.
"Endi AQSh-qa barýdyń qajeti joq. Is sotqa qashan joldanatynyn kútip otyrmyn. Barlyq dáleldi usynyp, sotta ádildikke qol jetkizgim keledi. Buryn bizdi eshkim tyńdamaityn. Qazir únimizge qulaq asa bastady. Ádilet bar ekenine sengim keledi", - dedi ol.
Eske salaiyq, buǵan deiin Natasha Qalymbetova áleýmettik jelide 17 jasynda tórt aýyldasy tarapynan zorlanǵanyn málimdegen bolatyn. Onyń aitýynsha, oqiǵa bolǵannan keiin uzaq jyl boiy quqyq qorǵaý organdaryna júginbei, keiin shetelge kóship ketken.
Osy málimdemeden keiin quqyq qorǵaý organdary sotqa deiingi tergep-tekserýdi bastaǵan edi.
