Chehiia astanasy Pragada bastalǵan «Mongol Rally» halyqaralyq avtoekspeditsiiasy Óskemende aiaqtaldy,- dep habarlaidy Dalanews.kz
13 shildede Pragadan jolǵa shyqqan avtoekspeditsiia qatysýshylary 10 myń shaqyrymnan astam jol júrip, ondaǵan eldi basyp ótti. Bul marafonnyń basty ereksheligi — tehnikaǵa qoiylatyn talaptarda. Ár avtokólik 30 jyldan eski, shaǵyn kólemdi jáne alys saparlarǵa jaramsyz bolýy tiis. Qatysýshylar GPS pen uiymdastyrýshylardyń kómeginsiz jolsyz jerlerdi, shól men taýdy óz kúshterimen eńserip shyqty.
Avtoekspeditsiiaǵa Eýropa, AQSh, Kanada, Avstraliia men Pýerto-Riko syndy 30 elden kelgen 100-den astam komanda qatysty. Jolda tehnikalyq aqaýlarǵa bailanysty keibiri mejeli jerge jete almady.
Osylaisha, Óskemenge shamamen 80 komanda kelip jetip, shahar turǵyndary erekshe áserli finaldyń kýási boldy.
— Qatysýshylar úshin bul jai ǵana sport emes, naǵyz rýhani ekspeditsiia. Al Óskemen úshin — ózin álemdik deńgeide tanytyp, óńirdiń sulýlyǵyn kórsetýge zor múmkindik, — dedi ShQO Týristik aqparat ortalyǵy basshysynyń orynbasary Talǵat Dáýletov.
Aita keteiik, avtosherý barysynda jinalǵan qarajattyń bir bóligi qaiyrymdylyqqa baǵyttalmaq
— Qatysýshylardyń basym bóligi — Ulybritaniiadan. 273 adamnyń 82-si sol elden. Biz Londonnan kelip, Shyǵys Qazaqstan siiaqty ásem óńirge jetkenimizge qýanyshtymyz. Bul naǵyz shytyrmanǵa toly sapar boldy. Bizdiń kólikter — ásben eskirken, tot basqan, ári motor daýysy qatty shyǵady. Biraq árbir shaqyrym umytylmastai este qaldy, — deidi britandyq qatysýshylardyń biri.
