Agenttik qazir Qytai men Qazaqstan shekarasyndaǵy «Nurly jol» qaqapasy mańyndaǵy uzyndyǵy 3 shaqyrym bolatyn azǵantai joldy Dariǵa Nazarbaevanyń baqylaýyndaǵy «Eurotransit Nur Zholy» dep atalatyn kompaniia qalai paidany kózine ainaldyrǵanyn tekserýde.
Jetisý oblysy, Panfilov aýdany aýmaǵyndaǵy Qazaqstan men Qytai shekarasy mańyndaǵy beitarap aýmaqta ornalasqan «Nurly jol» ótkizý pýnkti bar.
Qazaqstan shekarasynan ótkennen keiin saýdagerler Qazaqstan men Qytaidyń beitarap aýmaǵynda ornalasqan saýda ortalyǵyna baryp, ózderine kerekti dúnielerin satyp alda.
Budan keiin júk pen jolaýshylardy joǵaryda aitqan «Eurotransit Nur Zholy» JShS-nyń kólikteri shekara mańyna deiin jetkizedi. Shekaraǵa deiingi joldyń uzaqtyǵy bar bolǵany 3 shaqyrymdy quraidy.
Jurttyń bári osy úsh shaqyrym jolmen júrip ótý úshin Nazarbaevaǵa tiesili «Eurotransit Nur Zholy» kompaniiasynyń kólik logistikalyq qyzmetine júginip, qomaqty aqsha tóleýge májbúr bolǵan edi.
Júk jáne jolaýshy tasymaldaý isimen ainalysatyn ózge kompaniialar bul jerge eshqashan tumsyǵyn tyqqan emes. Osylaisha «Eurotransit Nur Zholy» kompaniiasy Qorǵastaǵy basty monopolistke ainaldy.
«Nurly jol» ótkizý pýnkti Ortalyq Aziiadaǵy eń úlken ótkizý pýnkti. Ol sonymen qatar «Batys Eýropa – Batys Qytai» jobasynyń bir bóligi bolǵanyn da aita ketýimiz kerek.
3 shaqyrymǵa sozylatyn ótkizý pýnktte tek qana «Eurotransit Nur Zholy» kompaniiasynyń ǵana avtokólikteri qyzmet kórsetip kelgen.
Nazarbaevaǵa tiesili «Nurly jol» ótkizý pýnktin salý úshin Eýraziia banki jekemenshik áriptestik negizde 100 mln dollar qarjy bólingenin kezinde aqparat quraldary jarysa jazǵan bolatyn.
Qarjylyq monitoring agenttigi «Eurotransit Nur Zholy» JShS tergep-tekserý kezinde olar Qytaidyń beitarap aýmaǵynan Qazaqstanǵa júk tasymaldaityn jalǵyz operator bola tura, atalǵan qyzmetiniń qunyn zańsyz ósirgenderin qolmen qoiǵandai dáleldep berdi.
Osylaisha «Eurotransit Nur Zholy» kompaniiasynyń monopolistik qyzmetten túsken tabys 4,2 mlrd teńgeni quraǵan.
Tergep-tekserý barysynda óz kinásin moiyndaǵan kompaniia basshylyǵy memleketke quny 5,3 mlrd teńgeden asatyn kompaniia aktivterin (aýmaǵynda kólik-logistikalyq uiym ornalasqan 3,6 gektar jer telimi bar) aýdarý týraly ótinishhat beripti.
Biraq Qarjylyq monitoring agenttigi zań aiasynda jumys istemegen kompaniianyń bylyqtaryn tekserýde jalǵastyrýyn toqtatpaýda.
Shishkin_like Telegarmm kanaly jazýynsha, Qazaqstan men Qytai shekarasyndaǵy ótkizý pýnkti Erlan Dihanbaev pen «Eurotransit Terminal» JShS-na tiesili eken. Al «Eurotransit Terminal» JShS «Eurasia Transit Holding LTD» seriktestiginiń enshiles kompaniiasy bolǵan.
Osy rette «Eurasia Transit Holding LTD» quryltaishylary qarasańyz tómendegi adamdarǵa tap bolasyz.
Daniiar Qairat kóremiz, ol QazaqGaz kompaniiasynyń eks-basshysy, Dariǵa Nazarbaevanyń jubaiy Qairat Sháripbaevtyń uly ekenin bireý bilse, bireý bilmeýi múmkin.
Budan basqa Eurasia Transit Holding LTD quryltaishylarynyń qatarynda Dariǵa Nazarbaevanyń qyzy Venera Shaijúnisovanyń da esim-soiyn atalady. Osydan-aq, «Eurotransit Nur Zholy» JShS Dariǵa Nazarbaeva men Qairat Sháripbaevtyń baqylaýynda bolǵanyn topshylaýǵa bolady.
Aitpaqshy, «Eurotransit Nur Zholy» JShS 2018 jyldan beri memleket qazynasyna 485 mln teńge salyq tólepti. Eń qyzyǵy salyqtyń qomaqty bóligi 318 mln teńgeni Qańtar oqiǵasynan keiin tólei bastaǵan. Eger elimizde ózgeris bolmaǵanda olar munshalyqty qomaqty salyq tóler ma edi?
Kompaniianyń 2022 jylǵy taza tabysy 1,4 mlrd teńgeni quraǵanyn da aita ketýimiz kerek.
