اگەنتتىك ءقازىر جۇڭگو مەن قازاقستان شەكاراسىنداعى «نۇرلى جول» قاقاپاسى ماڭىنداعى ۇزىندىعى 3 شاقىرىم بولاتىن ازعانتاي جولدى داريعا نازاربايەۆانىڭ باقىلاۋىنداعى «Eurotransit Nur Zholy» دەپ اتالاتىن كومپانيا قالاي پايدانى كوزىنە اينالدىرعانىن تەكسەرۋدە.
جەتىسۋ وبلىسى، پانفيلوۆ اۋدانى اۋماعىنداعى قازاقستان مەن جۇڭگو شەكاراسى ماڭىنداعى بەيتاراپ اۋماقتا ورنالاسقان «نۇرلى جول» وتكىزۋ پۋنكتى بار.
قازاقستان شەكاراسىنان وتكەننەن كەيىن ساۋداگەرلەر قازاقستان مەن قىتايدىڭ بەيتاراپ اۋماعىندا ورنالاسقان ساۋدا ورتالىعىنا بارىپ، وزدەرىنە كەرەكتى دۇنيەلەرىن ساتىپ الدا.
بۇدان كەيىن جۇك پەن جولاۋشىلاردى جوعارىدا ايتقان «Eurotransit Nur Zholy» جشس-نىڭ كولىكتەرى شەكارا ماڭىنا دەيىن جەتكىزەدى. شەكاراعا دەيىنگى جولدىڭ ۇزاقتىعى بار بولعانى 3 شاقىرىمدى قۇرايدى.
جۇرتتىڭ ءبارى وسى ءۇش شاقىرىم جولمەن ءجۇرىپ ءوتۋ ءۇشىن نازاربايەۆاعا تيەسىلى «Eurotransit Nur Zholy» كومپانياسىنىڭ كولىك لوگيستيكالىق قىزمەتىنە جۇگىنىپ، قوماقتى اقشا تولەۋگە ءماجبۇر بولعان ەدى.
جۇك جانە جولاۋشى تاسىمالداۋ ىسىمەن اينالىساتىن وزگە كومپانيالار بۇل جەرگە ەشقاشان تۇمسىعىن تىققان ەمەس. وسىلايشا «Eurotransit Nur Zholy» كومپانياسى قورعاستاعى باستى مونوپوليستكە اينالدى.
«نۇرلى جول» وتكىزۋ پۋنكتى ورتالىق ازياداعى ەڭ ۇلكەن وتكىزۋ پۋنكتى. ول سونىمەن قاتار «باتىس ەۋروپا – باتىس جۇڭگو» جوباسىنىڭ ءبىر بولىگى بولعانىن دا ايتا كەتۋىمىز كەرەك.
3 شاقىرىمعا سوزىلاتىن وتكىزۋ پۋنكتتە تەك قانا «Eurotransit Nur Zholy» كومپانياسىنىڭ عانا اۆتوكولىكتەرى قىزمەت كورسەتىپ كەلگەن.
نازاربايەۆاعا تيەسىلى «نۇرلى جول» وتكىزۋ پۋنكتىن سالۋ ءۇشىن ەۋرازيا بانكى جەكەمەنشىك ارىپتەستىك نەگىزدە 100 ملن دوللار قارجى بولىنگەنىن كەزىندە اقپارات قۇرالدارى جارىسا جازعان بولاتىن.
قارجىلىق مونيتورينگ اگەنتتىگى «Eurotransit Nur Zholy» ج ش س تەرگەپ-تەكسەرۋ كەزىندە ولار قىتايدىڭ بەيتاراپ اۋماعىنان قازاقستانعا جۇك تاسىمالدايتىن جالعىز وپەراتور بولا تۇرا، اتالعان قىزمەتىنىڭ قۇنىن زاڭسىز وسىرگەندەرىن قولمەن قويعانداي دالەلدەپ بەردى.
وسىلايشا «Eurotransit Nur Zholy» كومپانياسىنىڭ مونوپوليستىك قىزمەتتەن تۇسكەن تابىس 4،2 ملرد تەڭگەنى قۇراعان.
تەرگەپ-تەكسەرۋ بارىسىندا ءوز كىناسىن مويىنداعان كومپانيا باسشىلىعى مەملەكەتكە قۇنى 5،3 ملرد تەڭگەدەن اساتىن كومپانيا اكتيۆتەرىن (اۋماعىندا كولىك-لوگيستيكالىق ۇيىم ورنالاسقان 3،6 گەكتار جەر تەلىمى بار) اۋدارۋ تۋرالى ءوتىنىشحات بەرىپتى.
ءبىراق قارجىلىق مونيتورينگ اگەنتتىگى زاڭ اياسىندا جۇمىس ىستەمەگەن كومپانيانىڭ بىلىقتارىن تەكسەرۋدە جالعاستىرۋىن توقتاتپاۋدا.
Shishkin_like تەلەگارمم كانالى جازۋىنشا، قازاقستان مەن جۇڭگو شەكاراسىنداعى وتكىزۋ پۋنكتى ەرلان ديحانبايەۆ پەن «Eurotransit Terminal» جشس-نا تيەسىلى ەكەن. ال «Eurotransit Terminal» ج ش س «Eurasia Transit Holding LTD» سەرىكتەستىگىنىڭ ەنشىلەس كومپانياسى بولعان.
وسى رەتتە «Eurasia Transit Holding LTD» قۇرىلتايشىلارى قاراساڭىز تومەندەگى ادامدارعا تاپ بولاسىز.
دانيار قايرات كورەمىز، ول QazaqGaz كومپانياسىنىڭ ەكس-باسشىسى، داريعا نازاربايەۆانىڭ جۇبايى قايرات شارىپبايەۆتىڭ ۇلى ەكەنىن بىرەۋ بىلسە، بىرەۋ بىلمەۋى مۇمكىن.
بۇدان باسقا Eurasia Transit Holding LTD قۇرىلتايشىلارىنىڭ قاتارىندا داريعا نازاربايەۆانىڭ قىزى ۆەنەرا ءشايجۇنىسوۆانىڭ دا ەسىم-سويىن اتالادى. وسىدان-اق، «Eurotransit Nur Zholy» ج ش س داريعا نازاربايەۆا مەن قايرات شارىپبايەۆتىڭ باقىلاۋىندا بولعانىن توپشىلاۋعا بولادى.
ايتپاقشى، «Eurotransit Nur Zholy» ج ش س 2018 جىلدان بەرى مەملەكەت قازىناسىنا 485 ملن تەڭگە سالىق تولەپتى. ەڭ قىزىعى سالىقتىڭ قوماقتى بولىگى 318 ملن تەڭگەنى قاڭتار وقيعاسىنان كەيىن تولەي باستاعان. ەگەر ەلىمىزدە وزگەرىس بولماعاندا ولار مۇنشالىقتى قوماقتى سالىق تولەر ما ەدى؟
كومپانيانىڭ 2022 جىلعى تازا تابىسى 1،4 ملرد تەڭگەنى قۇراعانىن دا ايتا كەتۋىمىز كەرەك.
