– 3 jylda jalpy óńirlik ónim kólemi 41%-ǵa artyp, 2,4 trln teńgege jetti. Ónerkásip ónim kólemi 18%-ǵa, aýyl sharýashylyǵy 34%-ǵa, investitsiia 2,4 esege artty. 735,5 myń sharshy metr turǵyn úi paidalanýǵa tapsyrylyp, 90%-ǵa ósimi oryn aldy. Oblystyq biýdjettiń kólemi 2 ese ulǵaiyp, 1,1 trln teńgeni qurady. Koronovirýs indetine bailanysty shekteýlerge qaramastan aǵymdaǵy jyldyń 8 aiynda oblystyń negizgi áleýmettik-ekonomikalyq damý kórsetkishteriniń oń ósimi saqtaldy. Jalpy óńirlik ónim kólemi 552,1 mlrd teńgeni nemese ótken jyldyń tiisti kezeńimen salystyrǵanda ósim 103,9% qurady. Jyl qorytyndysymen 2,6 trln teńgege jetkizý josparlanýda, – dedi oblys ákimi.
Aýyl sharýashylyǵynda 405,6 mlrd. teńgeniń ónimi óndirilip, ótken jyldan 67,5 mlrd teńgege artqan. Kásipkerlik salasy boiynsha 143 166 shaǵyn jáne orta kásipkerlik sýbektilerimen 215 mlrd teńgeniń ónimi óndirilip, ótken jyldyń sáikes kezeńimen salystyrǵanda 2 ese ósimdi qurap, elimiz boiynsha kósh bastady.
Óńirdiń indýstriialdyq áleýetin jaqsartý maqsatynda 698,2 gektar aýmaqta 9 indýstrialdyq aimaq qurylyp, infraqurylym tartylǵan. Indýstrialdyq aimaqtarda jalpy quny 37,1 mlrd teńgeni quraityn, 4 293 jumys ornyn ashýǵa múmkindik beretin 59 joba júzege asyrylýda. Búgingi tańda, 37 joba iske qosylyp, 1 572 jumys orny ashyldy, investitsiia kólemi 27,8 mlrd teńge.
Aǵymdaǵy jyly 683 jumys ornymen 6 jobany iske asyrýdy josparlanǵan (1,9 mlrd.teńge).
Biznes-klimatty jaqsartý boiynsha iri jobalardy iske asyrýǵa oblysqa 321,7 mlrd teńge investitsiia baǵyttalǵan, bul 2020 jyldyń tiisti kezeńine qaraǵanda 20,2%-ǵa artyq. Sondai-aq, bilim, densaýlyq saqtaý, mádeniet, sport salalaryn jáne jastar saiasatyn damytý jónindegi is-sharalar nátijeli júzege asyrylýda. Búginde oblys boiynsha 18,2 mlrd.teńgege 78 mekteptiń qurylysy júrgizilýde. Onyń ishinde, 70 mektep oblystyq biýdjet esebinen (16,1 mlrd tg.), 8 mektep «Aýyl-El besigi» jobasymen (2,1 mlrd.tg.). 44 nysannyń qurylysy aiaqtalyp, 2 apatty jáne 1 úsh aýysymdy mekteptiń máselesin sheshý josparlanýda. Jańa oqý jylynda 15 mektep paidalanýǵa tapsyrylǵan. Odan bólek, oblys ákimi Túrkistan qalasynda 720 oryndyq Nazarbaev Ziiatkerlik mektebi salynyp jatqandyǵyn málimdedi.
Oblysta jyl basynan memlekettik jáne salalyq baǵdarlamalar sheńberinde 38,8 myń jańa jumys oryndary ashylyp (turaqty – 10,5 myń), jumyssyzdyq deńgeii tómendegen. Oblys halqyn aýyz sýmen, elektr qýatymen jáne tabiǵi gazben qamtamasyz etý boiynsha da jumystar tiisti dárejede júrgizilgen. Sonymen qosa, turǵyn úi, avtomobil joldary qurylysy jáne ekonomikanyń ózge de salalaryn damytý boiynsha nátijeli jumystar atqarylǵan.
Búgingi kúnniń negizgi máselesine ainalyp otyrǵan koronovirýstyq infektsiiaǵa qarsy atqarylyp jatqan jumystar týraly da oblys ákimi málimet bere otyryp, búgingi tańda Túrkistan oblysy jasyl aimaqta turǵandyǵyn atap ótti. Óz kezeginde, oblys ákiminiń esebine máslihat depýtattary joǵary baǵa berip, aldaǵy jumysyna sáttilik tiledi. Jalpy, sessiia jumysynda máslihat depýtattary 17 máseleni qarap, tiisti sheshimder qabyldady.
