Aqmola oblysynyń 28 jastaǵy turǵynyn qalyńdyǵy san soqtyryp ketti, dep habarlaidy Dalanews.kz.
Jigit qyzben internet arqyly tanysqan. Qysqa ýaqyttaǵy onlain áńgime birtindep birge turýǵa, ata-analarmen tanysýǵa jáne úilený josparlaryna ulasqan. Bir jarym aidan keiin boijetken júkti ekenin aityp, jup toiǵa daiyndyqty bastap ketken.
Jigittiń jaqyndary qalyńmal retinde shamamen bir million teńge berip, qalyńdyqqa 600 myń teńgege altyn áshekeiler alyp bergen. Keiin ekeýi Qosshy qalasyndaǵy jaldamaly páterge kóshken. Alaida kóp uzamai qyz bailanysqa shyqpai, telefon qońyraýlary men habarlamalarǵa jaýap bermei ketken. Ol ózimen birge aqsha men syilyqtardy alyp ketkeni anyqtalǵan.
Keiinirek boijetken buǵan deiin turmysta bolǵan ári úsh balasy bar ekeni belgili bolǵan. Jigit politsiiaǵa aryz túsirgen. Atalǵan derek boiynsha alaiaqtyq faktisimen qylmystyq is qozǵalyp, kúdiktini izdeý jumystary júrgizilip jatyr.
