Premer-ministr Oljas Bektenov Skyhansa kompaniiasynyń teń quryltaishysy jáne direktorlar keńesiniń múshesi, doktor Kristin Griottsbahpen kezdesý ótkizdi. Onda Jetisý oblysyndaǵy «Qorǵas» halyqaralyq shekara mańy yntymaqtastyq ortalyǵy mańynda júk jáne jolaýshylar áýejaiyn salý jobasyn júzege asyrý máseleleri talqylandy,- dep habarlaidy Dalanews.kz
«Qorǵas-Shyǵys qaqpasy» AEA-daǵy halyqaralyq júk jáne jolaýshylar áýejaiynyń jobasy ICAO halyqaralyq usynymdaryna sáikes aviatsiialyq infraqurylym salýdyń úsh kezeńdi baǵdarlamasyn kózdeidi. Birinshi kezeń sheńberinde 2027 jylǵa deiin:
-
ótkizý múmkindigi saǵatyna 50 adamǵa deiin jolaýshylar terminalyn (2032 jylǵa qarai – saǵatyna 500 adamǵa deiin);
-
JET A-1 aviaotyny jańa túriniń zamanaýi otyn qoimasynyń kólemi jylyna 200 myń tonnaǵa deiin (2032 jylǵa qarai – 550 myń tonnaǵa deiin);
-
avtoturaǵy jáne jylyna 50 myń tonna temirjol tuiyǵy bar júk terminalyn (2032 jylǵa qarai – jylyna 250 myń tonnaǵa deiin) salý josparlanýda.
Ekinshi jáne úshinshi kezeńder sheńberinde 2032 jylǵa deiin týristik jáne oiyn-saýyq infraqurylymy da qurylady. Investitsiialardyń jalpy kólemi shamamen 250 mlrd teńgeni quraidy.
Sondai-aq jobada Air–Rail–Auto-Air júk tasymaldarynyń mýltimodaldy syzbasyn ázirleý jáne Aziia-Tynyq muhity aimaǵy baǵytyndaǵy kólik jáne logistikalyq marshrýttardyń túiisken jerinde ekonomikalyq ósýdiń jańa múmkindikterin ashý kózdelgen.
«Prezident Qasym-Jomart Toqaev Qazaqstan ekonomikasy qurylymyn ártaraptandyrý jónindegi aýqymdy jumys sheńberinde kólik-logistika salasyn basym baǵyttardyń biri retinde atady. Jetisý oblysynda zamanaýi áýejai salý jobasyn júzege asyrý infraqurylymdy damytýǵa eleýli serpin beredi jáne Qazaqstannyń Qytai, Ortalyq Aziia jáne Eýropa arasyndaǵy tranzittik hab retindegi rólin nyǵaitady», — dep atap ótti Premer-ministr Oljas Bektenov.
Óz kezeginde Skyhansa kompaniiasynyń teń quryltaishysy, direktorlar keńesiniń múshesi, doktor Kristin Griottsbah jobanyń aviatsiialyq infraqurylymdy damytýǵa ǵana emes, sonymen qatar óńirde zamanaýi logistikalyq jáne iskerlik ortalyq qalyptastyrýǵa baǵyttalǵanyn atap ótti.
«Biz jai ǵana áýejai emes, halyqaralyq deńgeidegi damyǵan infraqurylymy: júk jáne jolaýshylar terminaldary, janarmai quiý kesheni, áýe kemelerine aviatsiialyq-tehnikalyq qyzmet kórsetý ortalyǵy (MRO), biznes ortalyǵy, mýltimodaldy logistikalyq múmkindikterge arnalǵan qonaq úileri bar kópfýnktsionaldy óńirlik hab quryp jatyrmyz. Onyń Qytaimen shekaraǵa jaqyn ornalasýy «Qorǵas – Shyǵys qaqpasy» AEA sheńberinde halyqaralyq saýdany damytýǵa qolaily jaǵdai jasaidy, al onyń temirjol jáne avtojol jelilerine qosylýy jańa Jibek jolyndaǵy keleshegi zor logistikalyq toraptardyń birine ainaldyrady», — dep atap ótti doktor Kristin Griottsbah.
Kezdesý sońynda QR Kólik ministrligi men Skyhansa arasynda Investitsiialar týraly kelisimge qol qoiyldy. Qujatqa sáikes, investor qajetti aviatsiialyq infraqurylym qurylysyn, negizinen otandyq materialdar men qyzmetterdi paidalanýdy, sondai-aq jobany júzege asyrýǵa qyzmetkerlerdiń keminde 90%-y Qazaqstan azamattary bolýyn qamtamasyz etýge mindetteledi.
Qazaqstandyq tarap injenerlik jáne kólik infraqurylymyn tartyp, sondai-aq arnaiy ekonomikalyq aimaqqa qatysýshylarǵa maqsatty jeńildikter beredi.
Eske salaiyq, joba Skyhansa birlesken qazaqstandyq-germandyq kásipornynyń qatysýymen júzege asyrylýda. Germaniia tarapynan seriktes retinde aviatsiialyq terminaldar men infraqurylymdy damytý boiynsha joǵary qyzmet kórsetetin The Hansa Consortium kompaniiasy, Qazaqstan tarapynan – Qazaqstan, Ortalyq Aziia jáne Kavkaz naryǵyndaǵy áýejailar úshin keshendi qyzmetter men injiniringtik sheshimder usynatyn Skymax Technologies kompaniialar toby áreket etedi.
