23 joba shetel investorlarynyń qarajatyna jasalynýda
Ústimizdegi jyldyń 4 aiynda «bir tereze» júiesimen 400 investor ýaqytyn joǵaltpai, qujattyq jumystaryn sheshken. Jáne investorlardyń quqyǵyn qorǵaý úshin QR investitsiialar jəne damý ministri Áset Isekeshev investorlar ombýdsmeni bolyp qyzmet istep otyr. Ombýdsmen qyzmeti boiynsha ótken jyly 20 másele investorlardyń paidasyna sheshilip, quqyqtary qorǵalǵan. Sondai-aq, Qazaqstan úshin mańyzdy ekonomikalyq 19 eldiń investorlary úshin vizasyz júie engizilgen. Olar: Avstraliia, Vengriia, Italiia, Monako, Belgiia, Ispaniia, Niderland, Norvegiia, Shvetsiia, Malaiziia, BAÁ, Singapýr, Ulybritaniia, AQSh, Germaniia, Finliandiia, Frantsiia, Shveitsariia, Japoniia.
Sondai-aq, arnaiy ekonomikalyq aimaqtarda 148 joba iske asyrylyp, 10 myńdai adam jumyspen qamtylǵan. Bul jobalarǵa 400 mlrd. teńge qarjy salynyp, óndiris kólemi 897 mlrd. teńgege jetken. Qazirgi tańda 2,6 trln teńge qarajat jumsalyp, 102 joba iske asý satysynda tur. Munyń 23 jobasy sheteldik investorlardyń qarajatyna jasalyp jatyr.
«QmD» aqparat
