23 jyl buryn jazylǵan án Abaidyń 175 jyldyq mereitoiy qarsańynda oryndaldy
«Dostar daýysy» erler vokaldyq toby Tarbaǵatai aýdanyndaǵy tanamal top. Ánshiler tobynda Bolat Joldybaev, Qaidar Júnisov, Aidar Aýsarbaev, Tólegen Qalimajan, Baqytbek Árinbekov, Meirambek Kámenjanov, Tóleýbek Ajahmetov, Rashit Abdýlin jáne Aidyn Hasenovtar bar.
– Bul beinebaiandy keshe Aqjardyń Óskemenge qarai shyǵatyn baǵytynda, 5 shaqyrymdyq jerdegi qyrda túsirdik. Operatory Qairat Kipishov. Stýdiia jetekshisi Tóleýbek Ajahmetov. 1997 jyly aýyldaǵy Abai atyndaǵy orta mekteptiń direktory edim. Sol kezde mekteptiń 70 jyldyǵyna orai arnaiy tapsyryspen jazdyryp, mádeniet úiinde ótken mereitoilyq kontsertte hor shyrqaǵan. Án sóziniń avtory – aqyn Hamit Balshabekov, al áýenin Qanapiia Qaiyrbaev jazǵan, – deidi «Dostar daýysy» erler vokaldyq tobynyń múshesi Tólegen Qalimajanov.
Osylaisha 23 jyl buryn jazylǵan án Abaidyń 175 jyldyq mereitoiyna orai «Dostar daýysy» erler vokaldyq tobynyń oryndaýynda taǵy bir márte shyrqaldy. «Dostar daýysy» erler vokaldyq tobynyń negizin 1980 jyly Qanapiia Qaiyrbaev, Keńes Baitoǵasov, Bolat Joldybaev, Oralbek Aýmájikov qalaǵan. Bul top búkilodaqtyq poliak ánderi konkýrsynyń jeńimpazy.
