22 naýryzda Kaspii jaǵalaýynda qazaq halqynyń ulttyq kiimi men salt-dástúrin álemge tanytatyn «Kazakh Record» festivali ótedi. Osylaisha mańǵystaýlyqtar álemniń Ginnes rekordtar kitabyna enýdi kózdep otyr,- dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.
Qazaqtyń ulttyq kiimin Ginnes kitabyna tirkeý úshin halyqaralyq komissiia músheleri arnaiy Aqtaýǵa keledi. Sharaǵa 5 myńnan astam adam qatysady dep kútilip otyr.
Megafestivalǵa qatysý sharttary:
- 16 jastan asqan kez kelgen adam qatysa alady.
- Qatysýshylar http://kazakhrecord.kz/ saityna kirip, 362 teńge kóleminde qatysý jarnasyn tólep, arnaiy formany toltyrýy qajet.
- Tirkeýden keiin 20 naýryzǵa deiin uiymdastyrýshylardan jeke nómir beriledi.
- 22 naýryz kúni saǵat 9:00-den 10:30-ǵa deiin bekitilgen orynǵa katalogqa sáikes ulttyq kiimmen kelý qajet.
- Rekord qoiý rásimi saǵat 10:30-da bastalady. Barlyq qatysýshylarǵa arnaiy bilezik beriledi.
Mekenjaiy: Aqtaý qalasy, 15 sha/a, 68-shi úiine qarama-qarsy teńiz jaǵalaýy.
Ulttyq kiimderdiń erekshelikteri
- Festivalde qazaqtyń dástúrli bas kiimderi erekshe nazarda bolady:
- Taqiia – tsilindr pishindi, áshekeilermen bezendirilgen, ulttyq naqyshtaǵy bas kiim.
- Bórik – barqyttan, qoi terisinen jasalyp, salqyn mezgilde kietin erler men áielderdiń bas kiimi.
- Sáýkele – uzatylatyn qyzǵa arnalǵan eń ásem ári biik bas kiim. Syrtqy bólimi kúmis jáne asyl tastarmen bezendiriledi.
- Kimeshek – áielderdiń dástúrli bas kiimi, kóbinese úlken jastaǵy analarǵa arnalǵan.
- Oramal – aq matadan jasalyp, iyq pen arqaǵa jaýyp turatyn ulttyq buiym.
Maqsaty men mańyzy
“Kazakh Record” festivali qazaqtyń ulttyq kiimin, onyń bai mádenietin jáne tarihi murasyn nasihattaýdy kózdeidi. Ulttyq qundylyqtardy dáripteýmen qatar, bul shara jastardyń patriottyq rýhyn oiatyp, qazaqi salt-dástúrdi urpaqtan-urpaqqa jetkizýge yqpal etedi.
Ulttyq kiimdi qurmettep, onyń sáni men mánin álemge pash etkisi keletin barsha qazaqstandyqtardy «Kazakh Record» festivaline shaqyramyz!
