Qazaqstanda 2027 jyldan bastap zeinetke shyǵatyn salymshylarǵa Biryńǵai jinaqtaýshy zeinetaqy qorynan (BJZQ) infliatsiia aiyrmasy úshin beriletin birjolǵy ótemaqy tólenbeidi. Bul týraly Eńbek jáne halyqty áleýmettik qorǵaý ministrligi málimdedi, dep habarlaidy dalanews.kz.
Vedomstvo málimetinshe, bul sheshim zeinetaqy júiesin jańǵyrtý aiasynda qabyldanǵan. Ministrlik jańa tásil júieni ikemdirek etip, uzaq merzimdi investitsiialyq tabysqa kóbirek baǵyttaitynyn atap ótti.
Sonymen qatar, memleket mindetti zeinetaqy jarnalary men mindetti kásiptik zeinetaqy jarnalarynyń naqty aýdarylǵan somasy saqtalýyna kepildik berýdi jalǵastyrady. Bul kepildik Áleýmettik kodekste bekitilgen.
Sondai-aq, 2026 jylǵy qyrkúiekten bastap salymshylar zeinetaqy jinaǵynyń 100 paiyzyna deiin jeke investitsiialyq portfeldi basqarýshy kompaniialardyń senimgerlik basqarýyna bere alady. Buǵan deiin bul kórsetkish 50 paiyzdan aspaityn.
Ministrliktiń málimetinshe, jeke basqarýshy kompaniia tańdalǵan jaǵdaida investitsiiadan teris aiyrma týyndasa, ol kompaniianyń óz qarajaty esebinen óteledi. Al táýekelge barǵysy kelmeitinder úshin negizgi basqarýshy retinde Ulttyq bank qala beredi.
