Abai oblysynyń ákimi Berik Ýálidiń tóraǵalyǵymen ótken keńeitilgen apparattyq keńeste shalǵai eldi mekender men Alakól jaǵalaýyndaǵy internet jelisimen qamtý máselesi qaraldy. Saladaǵy atqarylǵan jumystar týraly Tsifrlyq tehnologiialar basqarmasynyń basshysy Abzal Serikuly baiandady,- dep habarlaidy Dalanews.kz
Basqarmanyń málimetinshe, óńirdegi 322 eldi mekenniń 78 paiyzynda internet qoljetimdi. 2027 jylǵa deiin bul kórsetkishti 96 paiyzǵa jetkizý josparlanyp otyr.
Abai oblysynyń eldi mekenderin sapaly internet jelisimen qamtamasyz etý maqsatynda 2023 jyly Jol kartasy bekitilgen. Sonyń sheńberinde aýdan ákimdikteri men jeke qarajat esebinen 23 antenna-dińgek qurylysyn salý josparlanǵan. Onyń 15-iniń qurylysy aiaqtalǵan. Qalǵan 8 aýyl boiynsha jobalyq-smetalyq qujattama daiyndalýda. Sonymen qatar, memlekettik-jekemenshik áriptestik sheńberinde 171 eldi mekendi talshyqty-optikalyq bailanyspen qamtý kózdelgen. Sondai-aq, aimaqtaǵy internet jyldamdyǵy tómen 127 mektepke Starlink spýtnigi qoiylǵan.
Qazirgi tańda Alakól jaǵalaýynda barlyq bailanys operatorlarynyń 4G bazalyq stantsiialary ornatylǵan. Kólge jaqyn Qabanbai aýylynda 1 antenna-dińgekti qurylǵy bar. Jyl sońyna deiin osy eldi mekenge qosymsha osyndai qurylǵy ornatý josparlanýda.
Oblys ákimi basqarmaǵa osy baǵyttaǵy jumysty jalǵastyryp, Abai aýdanyndaǵy «Jidebai-Bórili» mýzei-qoryǵyn joǵary jyldamdyqtaǵy internetpen qamtamasyz etýdi tapsyrdy. Birinshi orynbasary Erbol Sadyrǵa talshyqty optikalyq bailanys jelisin ornatý boiynsha júzege asyrylyp jatqan memlekettik-jekemenshik áriptestik jobasynyń tiimdiligin anyqtap, qunyna taldaý jasaýdy mindettedi. Bilim basqarmasyna 1 shildege deiin oblys boiynsha bilim mekemelerine qajetti internet jyldamdyǵyn anyqtap, jaqsartý boiynsha usynystar engizýdi júktedi.
«Tamyz aiynda Abai aýdanynda úlken is-shara ótedi. Alys-jaqyn shet elderden, ózge óńirlerden qonaqtar keledi. Týrister osy tarihi keshende internettiń baiaýlyǵyna bailanysty jii shaǵym aitady. Sondyqtan shalǵaidaǵy aýyldar men óńirdegi barlyq týristik oryndardy sapaly internet jelisimen qamtamasyz etýimiz kerek», - dedi aimaq basshysy.
Keńeitilgen apparattyq keńeste oblys ákimi balalardyń qaýipsizdigi men órttiń aldyn alýǵa arnaiy toqtaldy. Qala, aýdan ákimderi men jaýapty basqarmalarǵa kámeletke tolmaǵan balalardyń qaýipsizdigin qamtamasyz etý, ata-analarmen túsindirý jumystaryn júrgizý, jazǵy maýsymda órttiń aldyn alý sharalaryn kúsheitýge qatysty naqty tapsyrmalar berdi. Sonymen qatar, kópqabatty turǵyn úilerde terezeden qulaý jaǵdailaryn boldyrmaý úshin arnaiy qurylǵylardy ornatý boiynsha turǵyndarmen jumys júrgizý qajettigin aitty.
