2026 jylǵy fýtboldan álem chempionatynyń finalyna satylǵan biletter AQSh-ta ótken sporttyq jarystar tarihyndaǵy eń qymbat biletter bolýy múmkin, dep habarlaidy dalanews.kz.
Finalda Ispaniia men Argentina quramalary kezdesedi. Sheshýshi match 19 shilde, jeksenbi kúni AQSh-tyń Niý-Djersi shtatyndaǵy MetLife stadionynda ótedi, dep jazady Yahoo Sports.
TickPick onlain platformasynyń málimetinshe, finaldyq oiynǵa bilettiń ortasha baǵasy 11 327 AQSh dollaryn quraidy. Bul kórsetkish AQSh-taǵy sporttyq is-sharalar tarihyndaǵy bilet baǵasynyń jańa rekordy sanalady.
Buǵan deiingi rekord 2024 jylǵy Super Bowl finalynda tirkelgen. Ol kezde San Francisco 49ers pen Kansas City Chiefs komandalary arasyndaǵy matchqa bilettiń ortasha baǵasy 9 411 dollar bolǵan.
Al 2026 jylǵy álem chempionaty finalyna eń arzan bilet 7 451 dollardan bastalady.
TickPick platformasyndaǵy eń qymbat satyp alý – 115A sektoryndaǵy 21-qatarǵa arnalǵan eki bilet. Ár bilet 28 479 AQSh dollaryna satylǵan.
USA Today basylymynyń jazýynsha, eger Angliia quramasy 1966 jyldan beri alǵash ret álem chempionatynyń finalyna shyqqanda nemese AQSh óz jerinde alǵash ret finalda oinaǵanda, bilet baǵasy budan da joǵary bolýy múmkin edi.
