Búgin, 14 aqpanda Qazaqstan Respýblikasynyń Energetika ministrligi men "Teńizshevroil" JShS (TShO) ishki naryqqa turaqty túrde suiytylǵan munai gazyn (SMG) jetkizýdi qamtamasyz etetin ózara túsinistik týraly jyl saiynǵy memorandýmdy uzartý týraly kelisimge qol qoidy. Qujat vedomstvo men kompaniia arasyndaǵy syndarly kelissózderdiń nátijesinde rásimdeldi, dep habarlaidy Dalanews.kz.
Kelisimge sáikes, 2025 jyly TShO Qazaqstannyń ishki naryǵyna 240 000 tonna suiytylǵan munai gazyn jetkizetin bolady.
"Eń aldymen, suiytylǵan munai gazy – bul búkil álemde tek avtokólik otyny retinde ǵana emes, sonymen qatar munai-gaz himiiasyn damytý úshin qundy kómirsýtek shikizaty retinde paidalanylatyn mańyzdy resýrs ekenin atap ótkim keledi. Bul kelisimniń jasalýy – respýblikanyń suiytylǵan munai gazyna degen ishki qajettiligin qamtamasyz etýdegi mańyzdy qadam bolyp tabylady. Qazaqstan Respýblikasyndaǵy suiytylǵan munai gazyn óndirýshilerdiń biri retinde seriktesimiz TShO-dan jetkiziletin kepildendirilgen gaz ishki naryqtaǵy tapshylyqty azaitýǵa jáne osy ónimdi tutynýshylar úshin qolaily jaǵdai jasaýǵa múmkindik beredi",– dedi Energetika vitse-ministri Álibek Jamaýov.
Aita ketý kerek, TShO Qazaqstan Respýblikasynda munai-himiia ónerkásibiniń damýyna da yqpal etýde. Sońǵy birneshe jyl ishinde TShO KPI kompaniiasyna propan shikizatyn, "Býtadien" jobasy úshin býtan jáne "Polietilen" jobasy úshin etan jetkizý týraly qujattarǵa kelisip, qol qoidy.
"TShO ishki naryqqa taýarlyq gazdyń negizgi jetkizýshileriniń biri bolyp qala beredi jáne el úshin osy strategiialyq mańyzdy saladaǵy áleýetti múmkindikterdi zertteý úshin Qazaqstanmen yntymaqtastyqty jalǵastyrýda. Biz Energetika ministrliginiń maqsattaryna qoldaý kórsetýdi jalǵastyramyz jáne eldiń ónerkásiptik jáne ekonomikalyq damýyna óz úlesimizdi qosýǵa tyrysamyz", – dep atap ótti TShO bas direktory Kevin Laion.
Buǵan deiin saitymyzda "Ónimdi bólisý týraly kelisimdi qaita qarastyrý: TShO basshysy óz pikirin aitty" degen material jariialanǵan bolatyn. Óz sózinde Kevin Laion TShO-da Ónimdi bólisý týraly kelisim degenniń joq ekenin, ózderiniń roialti men salyq tóleý sharttaryna baǵynatyn mámile aiasynda jumys isteitinin aitqan edi.
