Biyl Jetisý oblysynda jospar boiynsha respýblikalyq mańyzy bar avtojoldardyń 169 km ýchaskesine jóndeý júrgizilýde, sonyń 29 shaqyrymy kúrdeli jóndeýden, al 140 km ortasha jóndeýden ótkizilýde,- dep habarlaidy Dalanews.kz
Osy jyly joǵaryda atalǵan 169 shaqyrym avtojol ýchaskeleriniń 103 shaqyrymy jóndelip, paidalanýǵa beriledi dep josparlanyp otyr, atap aitqanda «Saryózek aýylynyń ainalma joly» 0-7 km, «Saryózek-Kóktal» 110-141, 142-178 km (67 km), «Aidarly – Kóktal» 291-306 km (15 km) jáne «Qonaev – Taldyqorǵan» 124-169 km (13 km) joldary.
Máselen, ótken jyldan beri júzege asyrylyp jatqan «Saryózek st. ainalma joly» 0-7 km (7 km) avtojolyn kúrdeli jóndeý - osyndai mańyzdy jobalardyń biri.
Búgingi tańda qoldanystaǵy asfaltbeton jabynynyń 6000 m2 frezerlendi, jobalyq 56 burǵylaý qadalarynan Qarakóz ózeni arqyly ótetin kópirge 18 qada ornatyldy, rostverktiń armaqańqasy men kópir tirekteri jáne t.b. daiyndalýda. Jumysqa 45 birlik tehnika jáne 75 jol mamany jumyldyryldy.
Budan bólek, osy joba aiasynda ýaqytsha ainalma joldar qarastyrylǵan. Bul rette aýyr júk avtokólikteriniń jii júretinin eskere otyryp, joba aiaqtalǵannan soń da negizgi ainalma jol paidalaný úshin saqtalynatyn bolady. Qazirgi kezde ony tasty topyraq pen qum-qiyrshyqtas qospasynyń kómegimen kúsheitý júzege asyryldy.
Sonymen qatar «Saryózek – Kóktal» avtojolynyń 141-142 km (1 km, Qoibyn shatqaly, Kónbe ózeni arqyly ótetin kópir) boiymen ótetin kópir kúrdeli jóndeýden ótkizilýde. Bul jumystarǵa 17 birlik tehnika jáne 40 adam tartylǵan. Osy oraida jalpy alǵanda «Saryózek – Kóktal» avtojolynyń ózi de ortasha jóndeýden ótkizilip jatyr. Qazir jumystar birneshe ýchaskelerde – 0-45 km, 110-141 km jáne 142-178 km ýchaskelerde júrgizilýde. Atap ótsek, 2023 jyly uzyndyǵy 42 km bolatyn 68-110 km ýchaskede atalǵan jolǵa jóndeý júrgizildi. Qazirgi ýaqytta nysan kepildik kezeńinde, qandai da bir aqaýlar paida bolǵan jaǵdaida merdiger uiym ony ózi jóndep beredi.
«Almaty – Kókpek – Kóktal – Qorǵas» avtojolynyń 291-306 km (Aidarly – Kóktal, 15 km) ortasha jóndeýi de júrip jatyr. Búgingi tańda 15 km frezerleý jáne 10 km boiyna asfaltbeton tóseý jumystary júrgizildi. Josparǵa sáikes osy jyldyń 20 mamyryna deiin jol jabynynyń tómengi qabatyn, al 1 shildege deiin joǵarǵy qabatyn tóseý aiaqtalady dep kútilýde.
«Almaty – Óskemen» avtojolynyń 124-169 km (ishinara 13 km, Almaty oblysynyń shekarasy - Saryózek) ýchaskesi de ortasha jóndeýden ótip jatyr.
Sonymen birge «Qonaev – Taldyqorǵan» avtojolynyń 213-234 shaqyrymyn (21 km, Alǵabas – Muqyry eńisindegi arka) kúrdeli jóndeýge konkýrs ótkizildi. Jobany iske asyrý 3 jylǵa eseptelgen (2025-2027 jj.).
Budan bólek, «Qazavtojol» UQ» AQ oblystyq filialy ókilderiniń aitýynsha, jalpy «Almaty – Óskemen» avtojolynyń uzyndyǵy 92 km bolatyn ýchaskelerine ortasha jóndeý júrgizýge biýdjettik ótinim berildi, bul rette aǵymdaǵy jóndeý aiasynda qaýipsizdikti qamtamasyz etý úshin biyl «Almaty – Óskemen» avtojolynyń 141-147 km ýchaskesinde Arqarly asýynda uzyndyǵy 6 shaqyrymǵa, sondai-aq Taldyqorǵan qalasynyń 3-shi bólimshesi men arka aralyǵyndaǵy ýchaskede (1 km, 253-254 km ýchaskesi) jaryqtandyrý tirekterin ornatý josparlanyp otyr.
Sondai-aq «Taldyqorǵan – Qalbataý – Óskemen» avtojolyn qaita jańǵyrtý jobasy, atap aitqanda Abai aýylymen qiylysatyn ýchaskede, Qoilyq – Baqaly baǵytynda, sondai-aq Qoilyq aýylynyń shyǵaberisinde qosymsha 155 jaryqtandyrý tiregin ornatý kózdelgen. Uzyndyǵy 90 km torly qorshaýlar ornatý qarastyrylyp otyr, sonyń 60 shaqyrymy janýarlardyń jolǵa shyǵyp ketýin boldyrmaý úshin Sarqan aýdanynda avtojoldyń belgilengen beldeýinde ornatylatyn bolady.
