Memleket basshysynyń «Adal adam – Adal eńbek – Adal tabys» Ulttyq quryltaidyń otyrysyndaǵy tapsyrmasy boiynsha 2024 jyly 1 700 shaqyrymnan astam gaz qubyry salynyp, 300 myńnan astam azamat kógildir otynǵa qol jetkizdi.
Eldi mekenderdi gazdandyrý halyqtyń ómir súrý sapasyn jaqsartyp, ekologiianyń lastanýyn tómendetedi, balamaly otyn satyp alýǵa ketetin qarajatty únemdeidi jáne óńirlerdiń investitsiialyq tartymdylyǵyn arttyrady.
2025 jyly memleket 7 eldi mekendi gazdandyrýǵa arnalǵan
45 jobany iske asyrý úshin 65,9 mlrd teńge bóldi.
Atalǵan jobalardy iske asyrý eldi gazdandyrý deńgeiin 62 %-ǵa deiin arttyrady nemese 12,4 mln-nan astam adam gazǵa qol jetkizedi.
«Finskaia-120» avtomattandyrylǵan gaz retteý stantsiiasyn jáne magistraldyq gaz burý qubyryn salý Atyraý oblysyndaǵy iri jobalardyń biri bolyp tabylady. Bul jobany iske asyrý Atyraý qalasynyń eýropalyq bóligin qajetti gaz kólemimen qamtamasyz etý úshin gaz qubyrynyń ótkizý qabiletin arttyrýǵa múmkindik beredi, bul óńirdegi ónerkásipti damytýǵa úlken serpin beredi.
Tabiǵi gaz ekologiialyq jaǵdaidy jaqsartady
Tabiǵi gazdy paidalaný kómirqyshqyl gazy shyǵaryndylarynyń tómen deńgeiine, ziiandy qospalardyń bolmaýyna jáne kómir men mazýtpen salystyrǵanda joǵary energetikalyq tiimdilikke bailanysty ekologiialyq jaǵdaidy jaqsartýǵa yqpal etedi.
Halyqty tabiǵi gazben qamtamasyz etý kezindegi áleýmettik jaýapkershilik
Memleket basshysynyń «áleýmettik ámiian» tetigin engizý jónindegi tapsyrmasy sheńberinde 2024 jylǵy jeltoqsanda Úkimet Batys Qazaqstan oblysy men Shymkent qalasynda halyqtyń áleýmettik osal toptaryna taýarlyq gazǵa (24% deiin) jeńildik túrinde ataýly áleýmettik jáne turǵyn úi kómegin usyný boiynsha pilottyq jobany iske qosty, osylaisha 6000-nan astam adamdy qamtydy. Pilottyq jobanyń qorytyndysy boiynsha atalǵan tetik búkil el boiynsha engiziletin bolady.
2025 jyly «Taldyqorǵan – Úsharal» magistraldyq gaz qubyrynyń qurylysy aiaqtalady
Memleket basshysynyń tapsyrmasy boiynsha, uzyndyǵy 302 km «Taldyqorǵan-Úsharal» magistraldyq gaz qubyrynyń qurylysy jalǵasýda, bul 124 myń adamdy qamtityn Jetisý oblysynyń 66 eldi mekenin tabiǵi gazben qamtamasyz etýge múmkindik beredi. Qurylys grafikten oza otyryp júrgizilip jatyr.
Qashaǵan ken ornynda qýaty jylyna 1 mlrd m3 MÓZ salý jumystary jalǵasyp jatyr
Joba shiki gazdy qaita óńdeýdiń ulttyq baǵdarlamasy sheńberinde iske asyrylýda, bul Qashaǵan ken ornynan munai óndirýdi táýligine
25 myń barrelge ulǵaitýǵa jáne ishki tutyný úshin taýarlyq gaz kólemin jylyna 700 mln m3 ulǵaitýǵa múmkindik beredi.
Qashaǵan ken ornynyń shikizat bazasynda jylyna 700 myń tonnaǵa deiingi kólemde suiytylǵan munai gazyn óndirý jónindegi tehnologiialyq keshenniń qurylysy bastaldy
Memleket basshysynyń tapsyrmasy boiynsha elimizdiń energetikalyq qaýipsizdigin qamtamasyz etý úshin QR Úkimeti men Qashaǵan ken ornynyń aktsionerleri arasynda jylyna 700 myń tonnaǵa deiingi kólemde suiytylǵan munai gazyn óndirý jónindegi keshen salý týraly strategiialyq kelisimge qol jetkizildi.
2026 jyldan bastap suiytylǵan munai gazynyń qosymsha kólemi halyqty avtogazben qamtamasyz etedi jáne óńirde munai-gaz himiiasyn damytýǵa múmkindik beredi.
