مەملەكەت باسشىسىنىڭ «ادال ادام – ادال ەڭبەك – ادال تابىس» ۇلتتىق قۇرىلتايدىڭ وتىرىسىنداعى تاپسىرماسى بويىنشا 2024 جىلى 1 700 شاقىرىمنان استام گاز قۇبىرى سالىنىپ، 300 مىڭنان استام ازامات كوگىلدىر وتىنعا قول جەتكىزدى.
ەلدى مەكەندەردى گازداندىرۋ حالىقتىڭ ءومىر ءسۇرۋ ساپاسىن جاقسارتىپ، ەكولوگيانىڭ لاستانۋىن تومەندەتەدى، بالامالى وتىن ساتىپ الۋعا كەتەتىن قاراجاتتى ۇنەمدەيدى جانە وڭىرلەردىڭ ينۆەستيسيالىق تارتىمدىلىعىن ارتتىرادى.
2025 جىلى مەملەكەت 7 ەلدى مەكەندى گازداندىرۋعا ارنالعان
45 جوبانى ىسكە اسىرۋ ءۇشىن 65،9 ملرد تەڭگە ءبولدى.
اتالعان جوبالاردى ىسكە اسىرۋ ەلدى گازداندىرۋ دەڭگەيىن 62 %-عا دەيىن ارتتىرادى نەمەسە 12،4 ملن-نان استام ادام گازعا قول جەتكىزەدى.
«فينسكايا-120» اۆتوماتتاندىرىلعان گاز رەتتەۋ ستانسياسىن جانە ماگيسترالدىق گاز بۇرۋ قۇبىرىن سالۋ اتىراۋ وبلىسىنداعى ءىرى جوبالاردىڭ ءبىرى بولىپ تابىلادى. بۇل جوبانى ىسكە اسىرۋ اتىراۋ قالاسىنىڭ ەۋروپالىق بولىگىن قاجەتتى گاز كولەمىمەن قامتاماسىز ەتۋ ءۇشىن گاز قۇبىرىنىڭ وتكىزۋ قابىلەتىن ارتتىرۋعا مۇمكىندىك بەرەدى، بۇل وڭىردەگى ونەركاسىپتى دامىتۋعا ۇلكەن سەرپىن بەرەدى.
تابيعي گاز ەكولوگيالىق جاعدايدى جاقسارتادى
تابيعي گازدى پايدالانۋ كومىرقىشقىل گازى شىعارىندىلارىنىڭ تومەن دەڭگەيىنە، زياندى قوسپالاردىڭ بولماۋىنا جانە كومىر مەن مازۋتپەن سالىستىرعاندا جوعارى ەنەرگەتيكالىق تيىمدىلىككە بايلانىستى ەكولوگيالىق جاعدايدى جاقسارتۋعا ىقپال ەتەدى.
حالىقتى تابيعي گازبەن قامتاماسىز ەتۋ كەزىندەگى الەۋمەتتىك جاۋاپكەرشىلىك
مەملەكەت باسشىسىنىڭ «الەۋمەتتىك ءاميان» تەتىگىن ەنگىزۋ جونىندەگى تاپسىرماسى شەڭبەرىندە 2024 جىلعى جەلتوقساندا ۇكىمەت باتىس قازاقستان وبلىسى مەن شىمكەنت قالاسىندا حالىقتىڭ الەۋمەتتىك وسال توپتارىنا تاۋارلىق گازعا (24% دەيىن) جەڭىلدىك تۇرىندە اتاۋلى الەۋمەتتىك جانە تۇرعىن ءۇي كومەگىن ۇسىنۋ بويىنشا پيلوتتىق جوبانى ىسكە قوستى، وسىلايشا 6000-نان استام ادامدى قامتىدى. پيلوتتىق جوبانىڭ قورىتىندىسى بويىنشا اتالعان تەتىك بۇكىل ەل بويىنشا ەنگىزىلەتىن بولادى.
2025 جىلى «تالدىقورعان – ءۇشارال» ماگيسترالدىق گاز قۇبىرىنىڭ قۇرىلىسى اياقتالادى
مەملەكەت باسشىسىنىڭ تاپسىرماسى بويىنشا، ۇزىندىعى 302 كم «ءتالدىقورعان-ۇشارال» ماگيسترالدىق گاز قۇبىرىنىڭ قۇرىلىسى جالعاسۋدا، بۇل 124 مىڭ ادامدى قامتيتىن جەتىسۋ وبلىسىنىڭ 66 ەلدى مەكەنىن تابيعي گازبەن قامتاماسىز ەتۋگە مۇمكىندىك بەرەدى. قۇرىلىس گرافيكتەن وزا وتىرىپ جۇرگىزىلىپ جاتىر.
قاشاعان كەن ورنىندا قۋاتى جىلىنا 1 ملرد م3 ءموز سالۋ جۇمىستارى جالعاسىپ جاتىر
جوبا شيكى گازدى قايتا وڭدەۋدىڭ ۇلتتىق باعدارلاماسى شەڭبەرىندە ىسكە اسىرىلۋدا، بۇل قاشاعان كەن ورنىنان مۇناي ءوندىرۋدى تاۋلىگىنە
25 مىڭ باررەلگە ۇلعايتۋعا جانە ىشكى تۇتىنۋ ءۇشىن تاۋارلىق گاز كولەمىن جىلىنا 700 ملن م3 ۇلعايتۋعا مۇمكىندىك بەرەدى.
قاشاعان كەن ورنىنىڭ شيكىزات بازاسىندا جىلىنا 700 مىڭ تونناعا دەيىنگى كولەمدە سۇيىتىلعان مۇناي گازىن ءوندىرۋ جونىندەگى تەحنولوگيالىق كەشەننىڭ قۇرىلىسى باستالدى
مەملەكەت باسشىسىنىڭ تاپسىرماسى بويىنشا ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋ ءۇشىن ق ر ۇكىمەتى مەن قاشاعان كەن ورنىنىڭ اكسيونەرلەرى اراسىندا جىلىنا 700 مىڭ تونناعا دەيىنگى كولەمدە سۇيىتىلعان مۇناي گازىن ءوندىرۋ جونىندەگى كەشەن سالۋ تۋرالى ستراتەگيالىق كەلىسىمگە قول جەتكىزىلدى.
2026 جىلدان باستاپ سۇيىتىلعان مۇناي گازىنىڭ قوسىمشا كولەمى حالىقتى اۆتوگازبەن قامتاماسىز ەتەدى جانە وڭىردە مۇناي-گاز حيمياسىن دامىتۋعا مۇمكىندىك بەرەدى.
