2024 jyldyń qorytyndysy boiynsha shamamen 1,4 mln qazaqstandyq jalpy somasy 958,3 mlrd teńgege bes áleýmettik táýekel boiynsha Memlekettik áleýmettik saqtandyrý qorynan (MÁSQ) áleýmettik tólemder aldy, dep jazady Dalanews.kz.
Bul týraly búgin, 3 aqpanda Eńbek jáne halyqty áleýmettik qorǵaý ministrligi habarlady.
Eńbekke qabilettiliginen aiyrylý jaǵdaiy boiynsha áleýmettik tólem mindetti áleýmettik saqtandyrý júiesine (budan ári – júie) qatysýshylarǵa múgedektigi boiynsha memlekettik áleýmettik járdemaqyǵa qosymsha taǵaiyndalady, ol biýdjet qarajaty esebinen tólenedi. MÁSQ-dan tólem meditsinalyq-áleýmettik saraptamada belgilengen dárejesi 30% - dan 100% - ǵa deiingi jalpy eńbekke qabilettiligin joǵaltý kezeńinde júzege asyrylady jáne ol eńbek qyzmetin jalǵastyrýǵa bailanysty emes.
2024 jyly eńbek etý qabiletinen aiyrylý jaǵdaiy boiynsha tólemdi 102 myńnan astam adam 46,6 mlrd teńge somasyna aldy, bul 2023 jylmen salystyrǵanda 20%-ǵa artyq. Belgilengen tólemniń ai saiynǵy ortasha mólsheri 60 407 teńgeni qurady.
Asyraýshysynan aiyrylý jaǵdaiy boiynsha áleýmettik tólem biýdjet qarajaty esebinen asyraýshysynan aiyrylý boiynsha memlekettik áleýmettik járdemaqyǵa qosymsha júiege qatysýshynyń asyraýynda bolǵan adamdarǵa taǵaiyndalady. MÁSQ-dan tólem asyraýyndaǵy adamdar 18 jasqa tolǵanǵa deiin, al kúndizgi oqý nysanynda oqyǵan jaǵdaiynda –23 jasqa deiin júzege asyrylady.
Esepti kezeńde kórsetilgen tólemdi asyraýshysynan aiyrylǵan 67,9 myń otbasy 33,8 mlrd teńge somasyna aldy, bul 2023 jylmen salystyrǵanda 26%-ǵa artyq. Belgilengen tólemniń ai saiynǵy ortasha mólsheri 64 772 teńgeni qurady.
MÁSQ-dan jumysynan aiyrylý jaǵdaiy boiynsha áleýmettik tólem júieniń qatysýshysyna onyń jumystan shyǵarylý sebebine qaramastan taǵaiyndalady. Taǵaiyndaýdyń basty sharty – jumyssyz retinde tirkelý. Júiege qatysý ótiline bailanysty tólem 1 aidan 6 aiǵa deiin júzege asyrylady. Onyń mólsheri jumyssyz retinde tirkelgenge deiingi sońǵy 2 jyldaǵy MÁSQ-ǵa áleýmettik aýdarymdar júrgizilgen ortasha ailyq tabysqa jáne júiege qatysý ótiline bailanysty.
Ótken jyly atalǵan tólem 88,2 mlrd teńge somasyna júzege asyryldy, ony 293,6 myń adam aldy, bul 2023 jylǵy alýshylar sanynan 31%-ǵa artyq. Belgilengen tólemniń ai saiynǵy ortasha mólsheri 81 500 teńgeni qurady.
Júktilikke jáne bosanýǵa, jańa týǵan balany (balalardy) asyrap alýǵa bailanysty tabysynan aiyrylý jaǵdaiy boiynsha áleýmettik tólem júktilik jáne bosaný boiynsha demalystyń barlyq kúnderine taǵaiyndalady. Tólem mólsheri júktilikke jáne bosanýǵa bailanysty demalys kúnine deiingi sońǵy 12 aida MÁSQ-ǵa áleýmettik aýdarymdar júrgizilgen ortasha ailyq tabysqa jáne eńbekke jaramsyzdyq kúnderiniń sanyna bailanysty.
2024 jyly atalǵan birjolǵy tólemdi 245,7 myń bolashaq ana jalpy somasy 385,6 mlrd teńgege aldy, bul 2023 jyly tólengen somadan 11%-ǵa artyq. Taǵaiyndalǵan tólemniń ortasha mólsheri 1 621 299 teńgeni qurady.
Bir jarym jasqa deiingi bala kútimine bailanysty tabysynan aiyrylý jaǵdaiy boiynsha ai saiynǵy áleýmettik tólem júiege qatysýshyǵa bala týǵan kúnnen bastap taǵaiyndalady. Tólem mólsheri sońǵy 2 jylda MÁSQ-ǵa áleýmettik aýdarymdar júrgizilgen ortasha ailyq tabystyń 40%-yn quraidy. Eki jáne odan da kóp bala týǵan kezde tólem árbir balaǵa jeke taǵaiyndalady.
"2024 jyly bul tólem 276,8 myń adamǵa taǵaiyndaldy jáne ai saiynǵy ortasha tólem mólsheri 86 758 teńgeni qurady. 2024 jyly barlyq tólem alýshylardyń sany 672,6 myń adam boldy, al tólemder 404,1 mlrd teńgege jasaldy, bunyń ózi 2023 jylǵy somadan 1,4 ese kóp. Osylaisha, jumys istemeitin adamdarǵa qaraǵanda, jumys isteitin azamattardy mindetti áleýmettik saqtandyrý júiesine qatysý arqyly áleýmettik qorǵaý áldeqaida joǵary", delingen habarlamada.
Buǵan deiin biz 2025 jyldan bastap elimizde kedeishilik shegi jańa tásilmen esepteletinin jazǵan bolatynbyz. Oǵan sáikes, tabysy 100 myń teńgeden tómen adamdar kedei sanalatyn bolady.
