Saryaǵash aýdanynda ótken jyly 19,9 myń sharshy metr turǵyn úi tapsyrylǵan. Al aǵymdaǵy jyldyń 6 aiynyń qorytyndysy boiynsha 7,780 sharshy metr turǵyn úi el igiligine berildi.
Budan buryn oblys ákimi Janseiit Túimebaev Saryaǵash aýdanyndaǵy sapary kezinde Qaplanbek oqý-tájiribe sharýashylyǵy aýmaǵyndaǵy 5 qabatty 585 páterli «Nurly jer» baǵdarlamasymen salynyp jatqan 13 turǵyn úidiń qurylysymen tanysqan edi.
Merdiger mekeme - «Yntymak Bes-Arys» JShS. Jobanyń quny - 407 mln teńge. Aǵymdaǵy jyly qurylysy bastalǵan 13 turǵyn úi 2019 jyly tolyq paidalanýǵa beriletin bolady. Óńir basshysy Janseiit Qanseiituly turǵyn úilerdiń sapasyna kóbirek kóńil bólip, qurylys jumystaryn ýaqytyly aiaqtaý qajettigin tapsyrǵany este.
«Qazirgi tańda jańa Saryaǵash boi kóterip keledi. Qurylysy bastalǵan 45 páterli 13 turǵyn úi aiaqtalsa, 585 otbasy baspanaly bolady. Mundai jaǵdai sońǵy 45 jylda bolmaǵan. Bul degenimiz - Elbasymyzdyń halqyna degen qamqorlyǵy, eldiń mereii. Sondai-aq, turǵyn úilerdi salý barysynda aýyz sý, gaz, elektr, jylý, jol jáne abattandyrý jumystary syndy barlyq infraqurylym máselelerine sheshimin tabatyn bolady. Ásirese, aýdan basshylyǵyna káriz júiesiniń sheshimin tabýdy tapsyramyn», - degen bolatyn J.Túimebaev.
Qazirgi kúni qalalyq ákimdik Saryaǵashtaǵy sapasy syn kótermeitin nysandarmen kúres júrgizip jatyr. Budan bólek Qaplanbek keden beketiniń mańyzdaǵy nysandar men zańsyz saýda núkteleri retke keltirilip, keden mańy abattandyrylýda.
