سارىاعاش اۋدانىندا وتكەن جىلى 19،9 مىڭ شارشى مەتر تۇرعىن ءۇي تاپسىرىلعان. ال اعىمداعى جىلدىڭ 6 ايىنىڭ قورىتىندىسى بويىنشا 7،780 شارشى مەتر تۇرعىن ءۇي ەل يگىلىگىنە بەرىلدى.

بۇدان بۇرىن وبلىس اكىمى جانسەيىت تۇيمەبايەۆ سارىاعاش اۋدانىنداعى ساپارى كەزىندە قاپلانبەك وقۋ-تاجىريبە شارۋاشىلىعى اۋماعىنداعى 5 قاباتتى 585 پاتەرلى «نۇرلى جەر» باعدارلاماسىمەن سالىنىپ جاتقان 13 تۇرعىن ءۇيدىڭ قۇرىلىسىمەن تانىسقان ەدى.

مەردىگەر مەكەمە - «ىنتىماك بەس-ارىس» ج ش س. جوبانىڭ قۇنى - 407 ملن تەڭگە. اعىمداعى جىلى قۇرىلىسى باستالعان 13 تۇرعىن ءۇي 2019 جىلى تولىق پايدالانۋعا بەرىلەتىن بولادى. ءوڭىر باسشىسى جانسەيىت قانسەيىت ۇلى تۇرعىن ۇيلەردىڭ ساپاسىنا كوبىرەك كوڭىل ءبولىپ، قۇرىلىس جۇمىستارىن ۋاقىتىلى اياقتاۋ قاجەتتىگىن تاپسىرعانى ەستە. 

«قازىرگى تاڭدا جاڭا سارىاعاش بوي كوتەرىپ كەلەدى. قۇرىلىسى باستالعان 45 پاتەرلى 13 تۇرعىن ءۇي اياقتالسا، 585 وتباسى باسپانالى بولادى. مۇنداي جاعداي سوڭعى 45 جىلدا بولماعان. بۇل دەگەنىمىز - ەلباسىمىزدىڭ حالقىنا دەگەن قامقورلىعى، ەلدىڭ مەرەيى. سونداي-اق، تۇرعىن ۇيلەردى سالۋ بارىسىندا اۋىز سۋ، گاز، ەلەكتر، جىلۋ، جول جانە اباتتاندىرۋ جۇمىستارى سىندى بارلىق ينفراقۇرىلىم ماسەلەلەرىنە شەشىمىن تاباتىن بولادى. اسىرەسە، اۋدان باسشىلىعىنا كارىز جۇيەسىنىڭ شەشىمىن تابۋدى تاپسىرامىن»، - دەگەن بولاتىن ج.تۇيمەبايەۆ.

قازىرگى كۇنى قالالىق اكىمدىك سارىاعاشتاعى ساپاسى سىن كوتەرمەيتىن نىساندارمەن كۇرەس جۇرگىزىپ جاتىر. بۇدان بولەك قاپلانبەك كەدەن بەكەتىنىڭ ماڭىزداعى نىساندار مەن زاڭسىز ساۋدا نۇكتەلەرى رەتكە كەلتىرىلىپ، كەدەن ماڭى اباتتاندىرىلۋدا.