Densaýlyq marafonyna shamamen 2000 adam qatysty.
Qalalyq qoǵamdyq densaýlyq saqtaý basqarmasy basshysynyń orynbasary Áliia Rústemovanyń aitýynsha, shara halyq arasynda durys tamaqtaný, densaýlyqqa ziiandy ádetterden bas tartý, salaýatty ómir saltyn ustanýdy keńinen nasihattaý úshin uiymdastyrylyp otyr.
Festival fitnes jattyǵýlary men bimen bastaldy. Estrada juldyzdary elorda turǵyndaryna óner kórsetse, al jattyqtyrýshylar skandinaviialyq serýendeý jáne iogadan sheberlik sabaqtaryn ótkizdi. Belsendi qala turǵyndary top-topqa bólinip, 1500 metr qashyqtyqqa júgirý, qol kúresinen jarysqa túsip, elordanyń «Esil», «Baiqońyr», «Almaty» aýdandary timbildingten eń myqtyny anyqtady.
Nátijesinde «Esil» aýdanynyń komandasy jeńiske jetti. Sondai-aq, aktsiia aiasynda «Meditsina aýmaǵy» da halyqqa qyzmet kórsetti.
Qalaǵan adam túrli meditsinalyq tekserýlerden ótip, dárigerlerdiń keńesin tegin aldy. Jarys sońynda festivaldiń eń belsendi qatysýshylary men jeńimpazdary diplom jáne syilyqtarmen marapattaldy. Jańbyr men kúnniń salqyndyǵyna qaramastan, elorda turǵyndary festivaldiń sońyna deiin qalyp, mundai sharalardyń halyq úshin qyzyqty ári paidaly ekenin atap ótti.
