QMA Shymkent qalasy boiynsha departamenti M.Áýezov atyndaǵy Ońtústik Qazaqstan ýniversitetinde biýdjet qarajatyn jymqyrý deregi boiynsha tergeýdi aiaqtady, dep habarlaidy Dalanews.kz.
Kúdiktiler qatarynda burynǵy birinshi prorektor, qarjy jáne ákimshilik departamentterdiń direktorlary, óndiristik-tehnikalyq bólimniń qoima meńgerýshisi, sondai-aq, merdiger uiymdardyń basshylary bar.
Kúdiktiler taýarlar is júzinde jetkizilmegen nemese jasandy túrde qymbat satyp alynǵan jalǵan memlekettik satyp alý sharttaryn jasasqan. Bailanysy bar jeke kásipkerler men kommertsiialyq uiymdardyń shottaryna aýdarylǵan qarajat qolma-qol aqshaǵa ainaldyrylyp, qatysýshylar arasynda bólingen.
"Osy shema aiasynda ýniversitet basshylyǵy naryqtaǵy quny 200 myń teńgeden aspaityn bir oryndyqty 20 mln teńgege satyp alǵan. Kúdiktiler tozǵan taýarlyq-materialdyq qundylyqtardy balansynan esepten shyǵaryp, olardy is júzinde paidalanýdy jalǵastyrǵan. Al esepten shyǵarylǵan múliktiń ornyna kelýge tiis jańa taýarlar múldem jetkizilmegen", - dep jazylǵan habarlamada.
Nátijesinde memleketke 321 mln teńge kóleminde zalal keltirildi. Tergeý barysynda kúdiktiler 264 mln teńgeni erikti túrde ótedi.
Sot sanktsiiasymen olardyń múlkine - 4 turǵyn úige, 1 kólikke jáne bank shottaryndaǵy 40 mln teńge kólemindegi qarajatqa tyiym salyndy. Qylmystyq is sotqa joldandy.
