Jetisý oblysynda laýazymdy tulǵalar qumar oiyndarǵa qatysqany úshin qyzmetinen bosatyldy, dep habarlaidy dalanews.kz.
Eki laýazymdy tulǵa sybailas jemqorlyqqa qarsy zańnama talaptaryn saqtamaǵany úshin qyzmetinen bosatylǵan, olardyń bireýi - aýdandyq bólimshe basshysy.
Jetisý oblysy Kóksý aýdanynyń prokýratýrasy lýdomaniianyń aldyn alý, sybailas jemqorlyqqa qarsy shekteýdi saqtaý baǵytynda taldaý júrgizip, keibir memlekettik qyzmetshiler býkmekerlik keńseler arqyly qumar oiyndarǵa qatysqanyn, bás tikkenin anyqtaǵan.
Oiyn shotyn tolyqtyrýdyń jalpy somasy 7,7 mln teńgeden asqan.
"Tártiptik komissiia sheshimimen eki laýazymdy tulǵa atqaryp otyrǵan laýazymynan bosatyldy. Olardyń biri - eńbek ótili 20 jyldan asatyn aýdandyq bólimshe basshysy", - dedi prokýratýra ókilderi.
