Sharýa qojalyǵy 2023 jyldan bastap jumys isteidi. Búginde 0,20 gektar jerde jylyna 20 tonna balyq óndirilýde. Munda balyqtyń sazan, aq amýr jáne taǵy da basqa túrleri bar. Qazirgi tańda 3 adam qyzmet etýde.
Joba quny – 12 mln teńge. Ónim elimizdegi aimaqtarǵa eksporttalady. Aldaǵy ýaqytta ónim kólemin kóbeitý kózdelýde.
Darhan Satybaldy balyq sharýashylyǵyn damytý baǵytynda jumysty shiratyp, balyq ónimi kólemin arttyrý qajettigin aityp, balyq sharýashylyǵyna investitsiia tartý, osy baǵytta jumys isteimin deitin jergilikti kásipkerlerge qoldaý kórsetý kerektigin jetkizdi.
Kásiporyn basshysynyń aitýynsha, kelesi jyly barlyǵy 20 dana basseiin salý qurylysy josparlanýda. Qazirgi tańda óz qarjysy esebinen syiymdylyǵy 4 dana basseinniń (temirden qurastyrylǵan) qurylysy aiaqtalyp, 18 myń dana tuqy shabaqtary sýǵa jiberildi.
Atap aitsaq, sazan, aq amýr, karas bar. Biznes ideialardy iske asyrýǵa arnalǵan memlekettik grantqa ótinim berildi. Sonymen qatar «Yrys» MQU-na 8,6 mln teńge qarjyǵa qujattar tapsyryldy. Joba tolyq iske asqan jaǵdaida balyq ónimin óndirý qurylysynyń jyldyq qýattylyǵy 100 tonnaǵa jetkiziledi.
Túrkistan oblysy ákiminiń tapsyrmasyna sáikes, óńirde «Balyq sharýashylyǵyn damytýdyń óńirlik baǵdarlamasy» bekitilgen bolatyn. Búginde balyq sharýashylyǵymen ainalysýshylarǵa memleket tarapynan tiisti jeńildikter, sýbsidiialar berilip otyr.
Aita keteiik, búginde oblysta josparǵa sáikes, jańadan 93 toǵandy balyq sharýashylyǵy, onyń ishinde 4 kásipker úiirgelik aýlada ashylyp, jumystar jalǵasyp jatyr. Jalpy óńirde qýattylyǵy jylyna 15 myń tonnaǵa jetetin 7 balyq óńdeý zaýyty jumys isteidi.
Oblysta jergilikti mańyzy bar 104 sý aidyny tirkelgen. Onyń 86-sy tabiǵat paidalanýshylarǵa bekitilip berilgen. Óńirde taýarly balyq ósirýmen 220 kásipkerlik sýbektisi ainalysýda.
Biylǵy 10 aidyń qorytyndysymen 2473 tonna balyq ónimderi óńdelip, 1935 tonnasy shet elderge eksporttaldy. Biyl 6640,0 tonna balyq ósirý josparlanyp, 10 aidyń qorytyndysymen 4050 tonnaǵa oryndaldy.
Balyq sharýashylyǵyn damytýǵa memlekettik qoldaýlar kórsetiledi. Al akvaósirý boiynsha biyl jergilikti biýdjetten 500 mln. teńge bólinip, búginde 31 sharýashylyqqa sýbsidiia berildi. Budan bólek, investitsiialyq salymdardy sýbsidiialaýǵa respýblikalyq biýdjetten 226 mln teńge qarastyrylyp, 68,3 mln. teńgesi igerildi.
