شارۋا قوجالىعى 2023 جىلدان باستاپ جۇمىس ىستەيدى. بۇگىندە 0،20 گەكتار جەردە جىلىنا 20 توننا بالىق وندىرىلۋدە. مۇندا بالىقتىڭ سازان، اق امۋر جانە تاعى دا باسقا تۇرلەرى بار. قازىرگى تاڭدا 3 ادام قىزمەت ەتۋدە.
جوبا قۇنى – 12 ملن تەڭگە. ءونىم ەلىمىزدەگى ايماقتارعا ەكسپورتتالادى. الداعى ۋاقىتتا ءونىم كولەمىن كوبەيتۋ كوزدەلۋدە.
دارحان ساتىبالدى بالىق شارۋاشىلىعىن دامىتۋ باعىتىندا جۇمىستى شيراتىپ، بالىق ءونىمى كولەمىن ارتتىرۋ قاجەتتىگىن ايتىپ، بالىق شارۋاشىلىعىنا ينۆەستيسيا تارتۋ، وسى باعىتتا جۇمىس ىستەيمىن دەيتىن جەرگىلىكتى كاسىپكەرلەرگە قولداۋ كورسەتۋ كەرەكتىگىن جەتكىزدى.
كاسىپورىن باسشىسىنىڭ ايتۋىنشا، كەلەسى جىلى بارلىعى 20 دانا باسسەيىن سالۋ قۇرىلىسى جوسپارلانۋدا. قازىرگى تاڭدا ءوز قارجىسى ەسەبىنەن سىيىمدىلىعى 4 دانا باسسەيننىڭ (تەمىردەن قۇراستىرىلعان) قۇرىلىسى اياقتالىپ، 18 مىڭ دانا تۇقى شاباقتارى سۋعا جىبەرىلدى.
اتاپ ايتساق، سازان، اق امۋر، كاراس بار. بيزنەس يدەيالاردى ىسكە اسىرۋعا ارنالعان مەملەكەتتىك گرانتقا ءوتىنىم بەرىلدى. سونىمەن قاتار «ىرىس» مقۇ-نا 8،6 ملن تەڭگە قارجىعا قۇجاتتار تاپسىرىلدى. جوبا تولىق ىسكە اسقان جاعدايدا بالىق ءونىمىن ءوندىرۋ قۇرىلىسىنىڭ جىلدىق قۋاتتىلىعى 100 تونناعا جەتكىزىلەدى.
![](/uploads/images/20240127144335155.jpg)
تۇركىستان وبلىسى اكىمىنىڭ تاپسىرماسىنا سايكەس، وڭىردە «بالىق شارۋاشىلىعىن دامىتۋدىڭ وڭىرلىك باعدارلاماسى» بەكىتىلگەن بولاتىن. بۇگىندە بالىق شارۋاشىلىعىمەن اينالىسۋشىلارعا مەملەكەت تاراپىنان ءتيىستى جەڭىلدىكتەر، سۋبسيديالار بەرىلىپ وتىر.
ايتا كەتەيىك، بۇگىندە وبلىستا جوسپارعا سايكەس، جاڭادان 93 توعاندى بالىق شارۋاشىلىعى، ونىڭ ىشىندە 4 كاسىپكەر ۇيىرگەلىك اۋلادا اشىلىپ، جۇمىستار جالعاسىپ جاتىر. جالپى وڭىردە قۋاتتىلىعى جىلىنا 15 مىڭ تونناعا جەتەتىن 7 بالىق وڭدەۋ زاۋىتى جۇمىس ىستەيدى.
وبلىستا جەرگىلىكتى ماڭىزى بار 104 سۋ ايدىنى تىركەلگەن. ونىڭ 86-سى تابيعات پايدالانۋشىلارعا بەكىتىلىپ بەرىلگەن. وڭىردە تاۋارلى بالىق وسىرۋمەن 220 كاسىپكەرلىك سۋبەكتىسى اينالىسۋدا.
بيىلعى 10 ايدىڭ قورىتىندىسىمەن 2473 توننا بالىق ونىمدەرى وڭدەلىپ، 1935 تونناسى شەت ەلدەرگە ەكسپورتتالدى. بيىل 6640،0 توننا بالىق ءوسىرۋ جوسپارلانىپ، 10 ايدىڭ قورىتىندىسىمەن 4050 تونناعا ورىندالدى.
بالىق شارۋاشىلىعىن دامىتۋعا مەملەكەتتىك قولداۋلار كورسەتىلەدى. ال اكۆاوسىرۋ بويىنشا بيىل جەرگىلىكتى بيۋدجەتتەن 500 ملن. تەڭگە ءبولىنىپ، بۇگىندە 31 شارۋاشىلىققا سۋبسيديا بەرىلدى. بۇدان بولەك، ينۆەستيسيالىق سالىمداردى سۋبسيديالاۋعا رەسپۋبليكالىق بيۋدجەتتەن 226 ملن تەڭگە قاراستىرىلىپ، 68،3 ملن. تەڭگەسى يگەرىلدى.