Shymkentte birneshe jyl qyzmet etken atyshýly “Arman” monshasy jabyldy, dep habarlaidy Dalanews.kz.
Halyqstan telegram arnasynyń málimetinshe, bul oryn kópshilikke belgili bolsa da, bilik ony uzaq ýaqyt boiy “baiqamaǵan”.
“Eń tańǵalarlyǵy, jezókshelikpen bailanysty bul nysan qaladaǵy №8 gimnaziianyń dál janynda ornalasqan. Mekteptiń terezesinen klientter demalatyn bólmeler anyq kórinetin”, — deidi derekkóz.
Qala biligi bul masqara muradan arylýdy jón kórdi
Shymkent qalasynyń politsiia departamenti tergeý amaldarynyń aiaqtalǵanyn habarlaǵan. Quqyq qorǵaý organdarynyń málimetinshe, is qazir aýdanaralyq sotqa joldanǵan. Qalalyq prokýratýra da bul aqparatty rastady.
“Politseiler qaladaǵy eki birdei nysandy tekserdi: biri – ortalyqtaǵy Táýke han dańǵylynda, ekinshisi – Sairam kóshesinde ornalasqan. Operativtik sharalar barysynda 20 shaqty qyz ustaldy. Olar shaqyrtý boiynsha qyzmet kórsetken. Al úsh ákimshige jeńgetailyq jasaǵany úshin aiyp taǵylyp, olar 7 jylǵa deiin bas bostandyǵynan aiyrylýy múmkin ”, — deidi derekkóz.
Biraq bul istiń basty tulǵasy sanalatyn monsha iesi tergeýge ilikpegen.
Búkil qala biletin nárseni kásipkerdiń ózi bilmedi degenge kim senedi?
Qalalyq prokýratýra bul jaǵdaiǵa qatysty túsinikteme berip, aiyptalǵandardyń kináni tolyq óz moiyndaryna alǵanyn málimdedi.
“Olar ǵimarattardy jalǵa alǵandaryn, al menshik iesiniń bul oryndardyń qandai maqsatta paidalanylǵanynan habarsyz ekenin aitty”, – dep málimdedi prokýratýra ókilderi.
Alaida bul ýájge kópshilik kúmánmen qaraidy. Tipti, 2GIS qosymshasyndaǵy pikirlerde monsha klientteri "Arman" belgili bir "Diadia Mishaǵa" tiesili ekenin ashyq jazǵan.
Monsha iesi buryn da qylmystyq isterge ilikken
"Belgili bolǵandai, bul – 58 jastaǵy Myqtybek Bekeev, "Arman" korporatsiiasynyń turaqty basshysy. Ol buǵan deiin de qylmystyq jańalyqtarǵa ilikken adam”, — deidi derekkóz.
Málimetterinshe, 2009 jyly eki politsei "Arman" monshasyndaǵy tóbeleske bailanysty oqiǵa ornyna kelip, ózderi soqqyǵa jyǵylǵan. Sol kezdegi basshylyq bul iske kóz juma qarap, tergeý amaldary júrgizilmegen. Tek 9 jyldan keiin jábirlenýshi politseiler sotqa shaǵym túsirip, shabýyl jasaǵan negizgi adam retinde Bekeevtiń esimin ataǵan.
Bul – onyń jalǵyz biznesi emes
"Arman" – "Diadia Mishanyń" menshigindegi jalǵyz oryn emes, biraq eń áigilisi ekeni anyq. Onyń bul kásipke kelýi qaita qurý jyldary bastalǵan. Ol kezde Kommýnistik dańǵyldyń boiynda elitalyq jezóksheler men valiýta aiyrbastaýshylar jinalatyn. Qazaqstan táýelsizdigin alǵannan keiin Táýke han dańǵylynyń boiynda aiyrbastaý beketteri kóbeigen. Al "diadia Misha" osy mańdaǵy qyzdardy óz kásibine tartqan.
“Keiin ol úsh qabatty úidiń barlyq páterin satyp alyp, aýlasynda tórt qabatty elitalyq monsha turǵyzdy. Al joǵary laýazymdy klientterdiń arqasynda bul biznes 30 jyl boiy zańsyzdyqtarǵa qaramastan ómir súrdi. Tipti, Shymkenttiń eń kóne mektepteriniń biri – №8 gimnaziiaǵa jańa ǵimarat salý qajettiligi týyndaǵanda da, monsha eshkimniń nazaryn aýdarmaǵan”, — dep qosty derekkóz.
"Jyldar boiy zańsyz jumys istegen monshanyń jabylýy – kesh bolsa da ádilettiń saltanat qurýy", – deidi qala turǵyndary.
