Vitse-premer Densaýlyq saqtaý ministri men Nur-sultan, Almaty, Shymkent qalalary, Qaraǵandy, Atyraý oblystary basshylyǵynyń óńirlerdegi epidemiologiialyq jaǵdai týraly esebin tyńdap, meditsinalyq uiymdar men halyqty qajetti dárilik zattarmen jáne meditsinalyq buiymdarmen tolyqqandy jáne úzdiksiz qamtamasyz etý boiynsha sharalar qabyldaýdy tapsyrdy.
Vedomstvoaralyq komissiia eldegi táýliktik syrqattanýshylyqtyń 65% - in jáne táýliktik ólim jaǵdailarynyń 55% - in quraityn Nur-sultan, Almaty, Shymkent, Atyraý, Qaraǵandy qalalarynda karantindik sharalardy kúsheitý týraly sheshim qabyldady.
Bul aimaqtarda aǵymdaǵy jyldyń 2 tamyzynan bastap mynadai shekteý sharalary kúshine enedi:
ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uiymdaryn qospaǵanda, "Ashyq" jobasyna qatyspaityn barlyq kásiporyndar men uiymdardyń qyzmetin toqtata turý;
oiyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyiym salý;
memlekettik organdar, keńseler, ulttyq kompaniialar men ózge de uiymdar qyzmetkerleriniń 80% - in qashyqtyqtan jumys jasaýǵa aýystyrý (vaktsina saldyrǵandardy jáne sońǵy 3 ai ishinde aýyryp jazylǵandardy qospaǵanda).
Sondai-aq, Aqmola, Almaty, Qaraǵandy oblystarynyń ákimdikterine Nur-Sultan (Býrabai, Tselinograd, Arshaly aýdandary), Almaty (Qarasai, Talǵar, Ile, Eńbekshiqazaq aýdandary), Shymkent qalalarymen (Sairam, Tólebi aýdandary), Qaraǵandymen (Temirtaý, Shahtinsk, Abai) shekaralas aýdandarynda karantindik sharalardy kúsheitý boiynsha sharalar qabyldaý usynyldy.
Óńirlerdiń ákimdikterine shekteýler engizý jáne olardyń saqtalýyn baqylaý boiynsha barlyq sharalardy qabyldaý tapsyryldy.
Vitse-Premer koronavirýstyq infektsiianyń taralýyna qarsy kúreste monitoringtik toptar jumysynyń mańyzdylyǵyn jáne barlyq óńirlerde osy baǵyttaǵy belsendiliktiń tómendigin atap ótti.
ShOB nysandaryn reidtermen qamtýdyń barynsha tómendeýi Aqtóbe, Mańǵystaý, Soltústik Qazaqstan, Jambyl, Qyzylorda, Aqmola, Atyraý oblystarynda, sondai-aq Almaty jáne Shymkent qalalarynda baiqalady. Anyqtalǵan buzýshylyqtar sanynyń tómendeýi Mańǵystaý, Pavlodar, Almaty, Soltústik Qazaqstan jáne Aqtóbe oblystarynda baiqalady.
E.Toǵjanov barlyq óńirlerde monitoringtik toptardyń jumysyn jandandyrýdy tapsyrdy.
Sondai-aq, Vitse-Premer elimizdiń keibir óńirlerinde vaktsinatsiianyń tómen qarqynyn atap ótti. Mysaly, Mańǵystaý oblysynda halyqtyń tek 25,6%-y 1-shi komponentpen egildi, bul respýblika boiynsha ortasha mánnen 2 ese tómen (52,4%). 6 óńirdiń (BQO, Aqtóbe, Qostanai, Qaraǵandy, Jambyl, Pavlodar oblystary) kórsetkishteri el boiynsha ortasha mánnen aitarlyqtai artta qalyp otyr.
Bas memlekettik sanitariialyq dárigerdiń 2021 jylǵy 14 shildedegi №32 Qaýlysyna sáikes aǵymdaǵy jylǵy 10 tamyzǵa deiingi merzimde qyzmet kórsetý salasynyń barlyq qyzmetkerleri KOVID-19 vaktsinasynyń birinshi komponentimen ekpe alýy tiis.
