Rio-de-Janeiro qalasynda (Braziliia) semserlesýden jasóspirimder men kadetter arasynda álem chempionaty ótip jatyr, dep habarlaidy Dalanews.kz.
Jarystyń alǵashqy kúni Qazaqstan quramasy júldege qol jetkizdi. Nurmuhammed Jailybai qylyshtasýdan qola medalǵa ie boldy.
Otandasymyz jartylai finalǵa deiin jetip, sheshýshi kezeńde Túrkiia ókili Fýrkan Iamanǵa 13:15 esebimen jol berdi. Osylaisha Jailybai týrnirdi úshinshi orynmen aiaqtady.
Jarys barysynda ol Vengriia sportshysy Daniel Berkeshidi (15:6), japoniialyq Motoki Kavaharany (15:7), reseilik Iaroslav Borisovty (15:14) jáne AQSh ókili Emilio Patýrzony (15:13) jeńgen edi.
