Almatyda tender mahınasıasy áshkerelendi, dep habarlaıdy Dalanews.kz.
Tergeý barysynda 2021 jyldan 2024 jylǵa deıin qylmystyq shemaǵa qatysýshylar qoldan jasalǵan qujattar men jalǵan málimetterdi paıdalanǵany anyqtaldy. Ony jalǵan kompanıalar arqyly qurylys jumystaryn júrgizýge arnalǵan tenderlerde reıtıńterin kóterý maqsatynda paıdalanǵan.
"Mundaı qyzmet úshin uıymdastyrýshylar 500 myńnan 1,5 mln teńgege deıin syıaqy alyp otyrǵan. Zańsyz jolmen alynǵan jalpy tabys 664 mln teńgeden asyp ketken. Bul qarajatqa 11 kólik pen 12 jyljymaıtyn múlik (5 turǵyn úı men 7 jer ýchaskesi) satyp alynǵan. Tergeý boljamy boıynsha zańsyz áreketterdiń nátıjesinde birqatar uıymmen jalpy somasy 70 mlrd teńgege jýyq kelisimsharttar jasalǵan. Tórt kúdikti ustalyp, tergeý ızolátoryna qamaldy. Tergeý jalǵasyp jatyr", - dep jazylǵan habarlamada.
