تەرگەۋ بارىسىندا 2021 جىلدان 2024 جىلعا دەيىن قىلمىستىق سحەماعا قاتىسۋشىلار قولدان جاسالعان قۇجاتتار مەن جالعان مالىمەتتەردى پايدالانعانى انىقتالدى. ونى جالعان كومپانيالار ارقىلى قۇرىلىس جۇمىستارىن جۇرگىزۋگە ارنالعان تەندەرلەردە رەيتينگتەرىن كوتەرۋ ماقساتىندا پايدالانعان.

"مۇنداي قىزمەت ءۇشىن ۇيىمداستىرۋشىلار 500 مىڭنان 1،5 ملن تەڭگەگە دەيىن سىياقى الىپ وتىرعان. زاڭسىز جولمەن الىنعان جالپى تابىس 664 ملن تەڭگەدەن اسىپ كەتكەن. بۇل قاراجاتقا 11 كولىك پەن 12 جىلجىمايتىن مۇلىك (5 تۇرعىن ءۇي مەن 7 جەر ۋچاسكەسى) ساتىپ الىنعان. تەرگەۋ بولجامى بويىنشا زاڭسىز ارەكەتتەردىڭ ناتيجەسىندە ءبىرقاتار ۇيىممەن جالپى سوماسى 70 ملرد تەڭگەگە جۋىق كەلىسىمشارتتار جاسالعان. ءتورت كۇدىكتى ۇستالىپ، تەرگەۋ يزولياتورىنا قامالدى. تەرگەۋ جالعاسىپ جاتىر"، - دەپ جازىلعان حابارلامادا.