Túrkistan oblysynyń ákimdigi túlekterdiń joǵary bilimge qol jetkizýine qoldaý bildirip keledi. Oblys ákimdiginiń búdjeti esebinen joǵary jáne joǵary oqý ornynan keıingi bilimi bar kadrlardy daıarlaýǵa memlekettik bilim berý tapsyrysyn» ornalastyrý maqsatynda «Woosong» ýnıversıtetine oqýǵa túsý úshin 100 balaǵa arnaıy grant bólindi,- dep habarlaıdy Dalanews.kz

«Woosong» bilim qorynyń resmı saıty arqyly jalpy 400-den astam abıtýrıent qujat tapsyrdy. Óńirimizden bólek, Ózbekstan Respýblıkasynan jáne elimizdiń barlyq oblystarynan qujattar engizildi. Atalǵan qujattardy irikteý jáne suhbattasý tikeleı Koreı ókildigi tarapynan júrgizildi.

Osy maqsatta oblys ákiminiń orynbasary Beısenbaı Dáýletulynyń qatysýymen arnaıy komısıa quryldy. Jaýapty salalardyń basqarma basshylarynan qurylǵan komısıaǵa 242 túlektiń qujattary usynyldy.

– Túrkistan oblysynyń Ákimdigi men Koreı Respýblıkasynyń «Woosong» bilim qory arasynda Túrkistan qalasynda «Woosong» ýnıversıtetiniń aqparattyq tehnologıalar salasynda «Výsong Ýnıversıteti Qazaqstan» joǵary oqý ornyn qurý týraly kelisim jasalyp, 2024 jyldyń 1 sáýirinde yntymaqtastyq týraly Memorandýmǵa qol qoıyldy. Búginde «Výsong Ýnıversıteti Qazaqstan» JSHS retinde tirkelip, tamyz aıynda joǵary oqý orny retinde lısenzıa ıelendi. Bilim qory tarapynan atalǵan joǵary oqý ornyna 14 profesorlyq quram jasaqtaldy. Bolashaqta «Woosong-Turkistan» ýnıversıtetiniń 3 nemese 4 kýrs stýdentteri biliktilik talaptaryna sáıkes halyqaralyq tájirıbe ala alady. Bul baǵdarlamada stýdentterge Koreı elindegi «Woosong» ýnıversıtetinde nemese onyń seriktes ýnıversıtetterinde bir nemese eki semestr oqýǵa múmkindik beriledi, – dedi Beısenbaı Tájibaev.

Aıta keteıik, «Woosong» ýnıversıtetinde eki jyl oqyǵannan keıin stýdentter qos dıplom baǵdarlamasyna qatysýǵa múmkindik alady. Bul baǵdarlamada talapkerlerge Koreı elindegi «Woosong» ýnıversıtetinde nemese onyń seriktes ýnıversıtetterinde bilim alyp, jáne oqýyn aıaqtaǵan soń eki eldiń dıplomyn ala alady.