Qazaqstandyqtar Astanadaǵy Tájikstan elshiligine gúl shoqtary men balalar oiynshyqtaryn ákelip, ultaralyq óshpendilik saldarynan qaza tapqan 10 jastaǵy Qobildjon Álievtiń otbasyna kóńil aitty, dep habarlaidy Dalanews.kz.
Qazaqstan turǵyndary osylaisha marqum balanyń jaqyndaryna qoldaý bildirip, onyń rýhyna taǵzym etýdi jón kórgen.
Newtimes.kz sózinshe, igi bastama áleýmettik jelilerde paida bolǵan. Paidalanýshylar Threads platformasy arqyly elshilikke birge barýǵa ýaǵdalasqan. Osy úndeýi bar jazba shamamen 10 myńǵa jýyq lúpil jinaǵan.
"Bala qaza tapty. Anasy jalǵyz qaldy. Bul – óte qorqynyshty jaǵdai. Threads-tiń kúshine senemin. Tájikstan elshiliginiń aldyna baryp, balanyń rýhyna taǵzym eteiik. Repost jasaýlaryńyzdy suraimyn", – dep jazdy mirazhaxylyk atty qoldanýshy.
Elshilik qyzmetkerleri jinalǵandarǵa kedergi keltirmei, jaǵdaidy syrttai baqylap otyr. Sondai-aq qoǵamdyq tártipti qamtamasyz etý úshin politsiia kezekshilik atqarýda.
Aita keteiik, keshe Tájikstanda Podmoskovedegi mektepte jasalǵan shabýyl saldarynan qaza tapqan 10 jastaǵy Kobildjondy jerleý rásimi ótti.
Eske salaiyq,16 jeltoqsan kúni Máskeý oblysynda qaiǵyly oqiǵa sebep boldy. Onda mektep oqýshysy pyshaqpen tájik otbasynan shyqqan 10 jastaǵy Kobildjonǵa shabýyl jasaǵan. Qandy oqiǵa saldarynan Kobildjon kóz jumyp, mektep kúzetshisi aýyr jaraqat alǵan.
Tájikstannyń Syrtqy ister ministrligi bul oqiǵany ultaralyq óshpendilik negizinde jasalǵan qylmys dep baǵalap, isti jan-jaqty tergeýge jáne kinálilerdi jaýapqa tartýǵa shaqyrdy.
