"10 ǵasyr buryn...". Túrkistannyń mańynan kóne monsha tabyldy
Mamandar monsha men onyń káriz qubyryn topyraqtan arshyp alypty. Tarihi jádigerdiń orta ǵasyrǵa tán ekenin qubyr janynan tabylǵan eski tiyndar aiǵaqtap otyr.
Bul jer Shoitóbe degen atpen belgili. 8-10-shy ǵasyrlarda Shaýǵar dep atalyp, Túrkistan óńiriniń ortalyǵy bolǵan eken. Sonymen qatar arheologtar osydan eki jyl buryn Sairam aýdanyndaǵy Han-qorǵan qalashyǵynan da myń jyl buryn salynǵan monshany tapqan bolatyn. Ony Álkei Marǵulan atyndaǵy arheologiialyq institýtynyń mamandary 10-ǵasyrdaǵy Samani kezeńine jatqyzǵan edi. Eski monsha 5 bólmeden turady. Qazba jumystary kezinde monshanyń jylytý júiesi, eki jýynatyn jáne býmen qyzdyryný bólmesi tabylǵan. Keibir derekterde bul mań Madan-kent qalasynyń orny dep kórsetilgen. Al elimizde osy syndy monshalar Taraz ben Túrkistanda kezdesedi.
Aita ketelik budan buryn óńir basshysy Janseiit Túimebaev Túrkitsandy tarihi hám týristik ortalyqqa ainaldyrý qajet ekenin aityp otyr, osy baǵytta aýqymdy jobalardyń qolǵa alynatynyn habarlaǵan edi.
