Ótken jyldyń maýsym aıynda ashylǵan qalalyq sıtýasıalyq 109 ortalyǵy qala turǵyndarynyń máselesin atqarýshy organǵa jetkizip, sheshimin tabýda óziniń tıimdiligin kórsetip otyr, – dep habarlaıdy Dalanews.kz Shymkent qalasy ákimdiginiń baspasóz qyzmetine silteme jasap.

Búginge deıin ortalyqqa barlyǵy 120 myńnan astam aryz-shaǵym túsken. Onyń ishindegi júz on toǵyz myńǵa jýyq aryz-shaǵym oryndalyp, qala turǵyndarynyń suraqtary men máselelerin qanaǵattandyrdy. Qalǵan 1875 aryz-shaǵym qaralýda, ıaǵnı jaýapty mekemeler men aýdandyq ákimdikterdiń jiti baqylaýynda.

Oryndalǵan aryz-shaǵymdardyń basym bóligi Jolaýshylar kóligi jáne avtomobıl joldary basqarmasynyń (4916 shaǵym) úlesinde bolyp otyr. Energetıka jáne komýnaldyq sharýashylyq basqarmasy – 1928, Abaı aýdany ákimdigi – 881, Qarataý aýdany ákimdigi – 693, Densaýlyq saqtaý basqarmasy – 595, «QazSmartTrans» JSHS – 580, «QýatJylýOrtalyq-3» MKQK – 567, Jumyspen qamtý jáne áleýmettik qorǵaý basqarmasy – 544, Turǵyn úı basqarmasy – 542, Ál-Farabı aýdany ákimdigi – 483, Eńbekshi aýdany ákimdigi – 449, Aýyl sharýashylyǵy jáne veterınarıa basqarmasy – 383 jáne taǵy basqa memlekettik mekemeler men servıstik qyzmet kórsetetin mekemeler oryndaǵan.

Esterińizge sala keteı̆ik, árbir qala turǵyny tómende kórsetilgen ádister arqyly óz ótinishin qaldyra alady:

1. Biryńǵaı̆ TEGİN 109 nómirine qońyraý shalý;


2. WhatsApp +7 (777) 710-91-09 nómirine jazý;


3. Instagram paraqshasynda jekege jazý;


4. Facebook: IKomek Shymkent


5. @shymkentonlinekz_bot TELEGRAM-bot arqyly ótinish qaldyrý.