Astana qalasynyń burynǵy Mádeniet basqarmasynyń burynǵy basshysy Bolat Majaǵulovqa qatysty sot protsesi bastalyp ketken bolatyn. Ol jaqynda aqparat quraldarynda shyqqan faktilerdiń jalǵan ekenin aityp, munyń bári sot protsesiniń ádil ótýine kedergi keltiretinin aityp, dabyl qaqty, dep habarlaidy Dalanews.kz Qaz365.kz-ke siltep.
Birqatar buqaralyq aqparat quraldarynda sot talqylaýynda aitylmaǵan men týraly aqparat tarady. Bul jariialanymdardyń bári birde-bir sot otyrysyna qatyspaǵan basylymdarda jaryq kórdi. Olar aiyptaý aktisiniń birde-bir málimdemesi sot protsesinde rastalmaǵannan keiin paida bolyp otyr. Mundai burmalanǵan aqparattardy jariialaý sotqa qysym jasaý bolyp sanalady. Sondai-aq qoǵamda negizsiz teris pikir týdyrady. Istiń mán-jaiyn obektivti qaraý quqyǵyn buzady.
Onyń aitýynsha, prokýrordyń taqqan aiyby boiynsha qylmystyq is-materialdarynan alynǵan dáleldemelerdi zertteý nátijesinde 2016 jyly Esil ózeninde «Solntse» sýburqaǵyn turǵyzý kezinde sheshimdi Astana qalasynyń ákimdigi, qoǵamdyq keńes músheleri jáne qalalyq máslihat depýtattary qabyldaǵany anyqtaldy dep otyr.
Osylaisha sýburqaqty ornatý meniń bastamam boldy degen aiyptaýdy joqqa shyǵardy. Astana qalasynyń ekonomikalyq tergeý departamenti «Solntse» sýburqaǵyn qurastyrý jáne ornatý boiynsha qarajattyń maqsatty paidalanǵanyn anyqtady. Qazir maǵan taǵylǵan aiyp boiynsha sot jalǵasýda jáne protsess aiaqtalýǵa jaqyn, - deidi kúdikti.
Eske salaiyq, eks-sheneýnik Bolat Majaǵulovtyń ustalǵany týraly Qarjylyq monitoring agenttigi málim etti. Astana qalasynyń "Mádeniet basqarmasy" MM-niń burynǵy basshysy men merdiger uiym ókilderine qatysty asa iri kólemde biýdjet qarajatyn jymqyrý faktisi boiynsha Qarjylyq monitoring agenttigi sotqa deiingi tergeý amaldaryn júrgizdi.
2016 jyly Astana kúni merekesine orai salynǵan "Kún" ("Esil ózenindegi jaryq-illiýminatsiialyq jáne ot shoýy") sýbyrqaǵynyń qurylysy kezinde memlekettik satyp alý rásimderi júrgizilmei tikelei kelisimsharttar jasalǵan. Sýburqaq jobalyq qujattamasyz jáne memlekettik saraptamadan ótpei salynǵan.
Qurylys barysynda tehnikalyq sipattamalarǵa sáikes kelmeitin sapasyz materialdar qoldanylǵan. Nátijesinde atalǵan nysan 2017 jyldan bastap jumys istemei, qazirgi tańda apatty jaǵdaida tur.
Urlanǵan qarajattyń kólemi 1 mlrd teńgeden asyp otyr.
Kúdikti, Astana qalasynyń "Mádeniet basqarmasy" MM-niń burynǵy basshysy Bolat Majaǵulov ustalyp, ýaqytsha ustaý izoliatoryna qamaldy. Tergeý aiasynda onyń múlkine tyiym salyndy. Onyń ishinde 3 kommertsiialyq nysan, 2 avtoturaq orny jáne Astana qalasyndaǵy premiým sanattaǵy páter.
Atalǵan is boiynsha kúdiktilerdiń múlkine jalpy somasy 572 million teńgeden astam somaǵa shekteý qoiyldy. QR QPK 201-babyna sáikes, sotqa deiingi tergep-tekserý derekteri jariia etýge jatpaidy.
