استانا قالاسىنىڭ بۇرىنعى مادەنيەت باسقارماسىنىڭ بۇرىنعى باسشىسى بولات ماجاعۇلوۆقا قاتىستى سوت پروسەسى باستالىپ كەتكەن بولاتىن. ول جاقىندا اقپارات قۇرالدارىندا شىققان فاكتىلەردىڭ جالعان ەكەنىن ايتىپ، مۇنىڭ ءبارى سوت پروسەسىنىڭ ءادىل وتۋىنە كەدەرگى كەلتىرەتىنىن ايتىپ، دابىل قاقتى، دەپ حابارلايدى Dalanews.kz Qaz365.kz-كە سىلتەپ.
ءبىرقاتار بۇقارالىق اقپارات قۇرالدارىندا سوت تالقىلاۋىندا ايتىلماعان مەن تۋرالى اقپارات تارادى. بۇل جاريالانىمداردىڭ ءبارى بىردە-بىر سوت وتىرىسىنا قاتىسپاعان باسىلىمداردا جارىق كوردى. ولار ايىپتاۋ اكتىسىنىڭ بىردە-بىر مالىمدەمەسى سوت پروسەسىندە راستالماعاننان كەيىن پايدا بولىپ وتىر. مۇنداي بۇرمالانعان اقپاراتتاردى جاريالاۋ سوتقا قىسىم جاساۋ بولىپ سانالادى. سونداي-اق قوعامدا نەگىزسىز تەرىس پىكىر تۋدىرادى. ءىستىڭ ءمان-جايىن وبەكتيۆتى قاراۋ قۇقىعىن بۇزادى.
ونىڭ ايتۋىنشا، پروكۋروردىڭ تاققان ايىبى بويىنشا قىلمىستىق ىس-ماتەريالدارىنان الىنعان دالەلدەمەلەردى زەرتتەۋ ناتيجەسىندە 2016 جىلى ەسىل وزەنىندە «سولنسە» سۋبۇرقاعىن تۇرعىزۋ كەزىندە شەشىمدى استانا قالاسىنىڭ اكىمدىگى، قوعامدىق كەڭەس مۇشەلەرى جانە قالالىق ءماسليحات دەپۋتاتتارى قابىلداعانى انىقتالدى دەپ وتىر.
وسىلايشا سۋبۇرقاقتى ورناتۋ مەنىڭ باستامام بولدى دەگەن ايىپتاۋدى جوققا شىعاردى. استانا قالاسىنىڭ ەكونوميكالىق تەرگەۋ دەپارتامەنتى «سولنسە» سۋبۇرقاعىن قۇراستىرۋ جانە ورناتۋ بويىنشا قاراجاتتىڭ ماقساتتى پايدالانعانىن انىقتادى. ءقازىر ماعان تاعىلعان ايىپ بويىنشا سوت جالعاسۋدا جانە پروسەسس اياقتالۋعا جاقىن، - دەيدى كۇدىكتى.
ەسكە سالايىق، ەكس-شەنەۋنىك بولات ماجاعۇلوۆتىڭ ۇستالعانى تۋرالى قارجىلىق مونيتورينگ اگەنتتىگى ءمالىم ەتتى. استانا قالاسىنىڭ "مادەنيەت باسقارماسى" ءمم-نىڭ بۇرىنعى باسشىسى مەن مەردىگەر ۇيىم وكىلدەرىنە قاتىستى اسا ءىرى كولەمدە بيۋدجەت قاراجاتىن جىمقىرۋ فاكتىسى بويىنشا قارجىلىق مونيتورينگ اگەنتتىگى سوتقا دەيىنگى تەرگەۋ امالدارىن جۇرگىزدى.
2016 جىلى استانا كۇنى مەرەكەسىنە وراي سالىنعان "كۇن" ("ەسىل وزەنىندەگى جارىق-يلليۋميناسيالىق جانە وت شوۋى") سۋبىرقاعىنىڭ قۇرىلىسى كەزىندە مەملەكەتتىك ساتىپ الۋ راسىمدەرى جۇرگىزىلمەي تىكەلەي كەلىسىمشارتتار جاسالعان. سۋبۇرقاق جوبالىق قۇجاتتاماسىز جانە مەملەكەتتىك ساراپتامادان وتپەي سالىنعان.
قۇرىلىس بارىسىندا تەحنيكالىق سيپاتتامالارعا سايكەس كەلمەيتىن ساپاسىز ماتەريالدار قولدانىلعان. ناتيجەسىندە اتالعان نىسان 2017 جىلدان باستاپ جۇمىس ىستەمەي، قازىرگى تاڭدا اپاتتى جاعدايدا تۇر.
ۇرلانعان قاراجاتتىڭ كولەمى 1 ملرد تەڭگەدەن اسىپ وتىر.
كۇدىكتى، استانا قالاسىنىڭ "مادەنيەت باسقارماسى" ءمم-نىڭ بۇرىنعى باسشىسى بولات ماجاعۇلوۆ ۇستالىپ، ۋاقىتشا ۇستاۋ يزولياتورىنا قامالدى. تەرگەۋ اياسىندا ونىڭ مۇلكىنە تىيىم سالىندى. ونىڭ ىشىندە 3 كوممەرسيالىق نىسان، 2 اۆتوتۇراق ورنى جانە استانا قالاسىنداعى پرەميۋم ساناتتاعى پاتەر.
اتالعان ءىس بويىنشا كۇدىكتىلەردىڭ مۇلكىنە جالپى سوماسى 572 ميلليون تەڭگەدەن استام سوماعا شەكتەۋ قويىلدى. ق ر قپك 201-بابىنا سايكەس، سوتقا دەيىنگى تەرگەپ-تەكسەرۋ دەرەكتەرى جاريا ەتۋگە جاتپايدى.
