5-7 maýsym aralyǵynda Abai oblysynyń Aqsýat aýdanynda «Asyl besik – Aqsýat» festivali ótedi. Aýqymdy mádeni-sporttyq shara qatysýshylarǵa óz ónerin kórsetýge, ulttyq sport túrlerinde baq synaýǵa jáne baǵaly syilyqtardy jeńip alýǵa múmkindik beredi, dep habarlaidy dalanews.kz.
Festival aiasynda túrli saiystar men jarystar uiymdastyrylyp, jeńimpazdarǵa qomaqty júldeler tabystalady.
5 maýsym kúni Yrǵyzbai ata kesenesi mańynda toǵyzqumalaqtan týrnir ótedi. Jarys jeńimpazy 1 million teńge kólemindegi bas júldeni ielenedi. Sonymen qatar, toǵyzynshy orynǵa deiingi barlyq júldegerlerge aqshalai syiaqy qarastyrylǵan.
Ulttyq at sporty túrlerinen ótetin top báige men alaman báige jeńimpazdaryna avtokólik beriledi. Ekinshi oryn alǵan shabandoz 2,5 million teńge, úshinshi oryn iegeri 1,5 million teńge kóleminde syiaqy alady.
Sondai-aq oblystyń ár aýdanynan kelgen palýandar ógiz palýan jáne túie palýan saiystarynda kúsh synasady. Bul jarystardyń da bas júldesi – avtokólik. Al ekinshi jáne úshinshi oryndarǵa aqshalai syilyqtar taǵaiyndalǵan.
«Artyq bilim – kitapta» atty kitap oqý baiqaýynyń jeńimpazdary da avtokólik pen aqshalai syilyqtarǵa ie bolady.
Festival 7 maýsym kúni qazaqstandyq estrada juldyzdarynyń qatysýymen ótetin aýqymdy gala-kontsertpen qorytyndylanady.
