Qazaqstanda 1 mamyrdan bastap tsifrlyq aktivter naryǵyn retteýdiń jańa tártibi engizildi, dep habarlaidy dalanews.kz.
Endi elde tsifrlyq aktivterdiń eki túri resmi túrde aiqyndaldy. Birinshisi – qamtamasyz etilmegen tsifrlyq aktivter, iaǵni kriptovaliýtalar. Ekinshisi – tsifrlyq qarjy aktivteri, oǵan steiblkoinder, tokenizatsiialanǵan naqty aktivter jáne dástúrli qarjy quraldarynyń tsifrlyq nusqalary kiredi.
Tsifrlyq qarjy aktivteri investitsiialyq quraldardyń jańa klasyn qalyptastyryp, kapital tartý men investorlar úshin jańa múmkindikter ashady.
Qamtamasyz etilmegen tsifrlyq aktivterdiń ainalymy endi litsenziialanǵan provaiderler arqyly júzege asady. Bul memleket tarapynan baqylaýdy kúsheitýge baǵyttalǵan.
Jańa júie aiasynda tsifrlyq aktivter naryǵynda qyzmet kórsetetin provaiderler institýty engizildi. Olardyń qatarynda tsifrlyq qarjy aktivteri platformalarynyń operatorlary, kriptobirjalar jáne kriptoobmennikter bar. Olar aktivterdi shyǵarý, saýdany uiymdastyrý jáne satyp alý satý operatsiialaryn júzege asyrady.
Negizgi retteýshi organ – Qazaqstan Ulttyq Banki. Ol tsifrlyq aktivter ainalymyn litsenziialap, qadaǵalap jáne retteidi. Bul talaptar Astana halyqaralyq qarjy ortalyǵynyń aýmaǵynan tys jumys isteitin naryq qatysýshylaryna qatysty.
Al tsifrlyq qarjy aktivterin, steiblkoinderden basqa, Qarjy naryǵyn retteý jáne damytý agenttigi baqylaidy.
Sonymen birge Astana halyqaralyq qarjy ortalyǵy óz iýrisdiktsiiasy sheńberinde tsifrlyq aktivtermen jumys isteitin uiymdardy retteýdi jalǵastyrady.
Osylaisha, Qazaqstanda kriptovaliýta men tsifrlyq aktivter naryǵy birneshe retteýshi organnyń baqylaýyna alynyp, júieli quqyqtyq negiz qalyptastyryldy.
