Qazaqstan qor birjasynda (KASE) 2025 jylǵy 21 sáýirde saǵat 15:30-da shetel valiýtalary boiynsha kúndizgi saýda-sattyq toqtatyldy. Onyń qorytyndysy boiynsha 1 AQSh dollarynyń ortasha baǵamy 521,53 teńgeni qurap, bir táýlikte 0,6 teńgege shamaly arzandady, dep habarlaidy Dalanews.kz.
QR Ulttyq Banktiń 21 sáýirge bekitken 1 AQSh dollarynyń resmi baǵamy 521,9 teńge, 1 evro 593,5 teńge bolǵan edi.
Kurs.kz málimetteri boiynsha, elimizdegi aqsha aiyrbastaý oryndarynda búginderi 1 AQSh dollary 520,1 teńgeden satyp alynyp, 522,7 tegege satylýda, sol sekildi 1 evro 597 teńgeden satyp alynyp, 603 teńgege satylýda.
Munaidyń álemdik naryqtaǵy baǵasy búgin taǵy azdap tómendedi.
- ICE Futures elektrondyq saýda birjasynda Brent markaly munaidyń maýsym fiýchersteriniń quny 1,65%-ǵa arzandap, 1 barreli 66,84 dollardy qurady.
- NYMEX elektrondy saýda birjasynda WTI markaly munaidyń mamyr fiýchersteriniń quny 1,78%-ǵa arzandap, 1 barreli 62,87 dollar boldy.
Mamandar evronyń kúsh alýyna álemdik deńgeide dollardyń qunsyzdanýy túrtki ekenin aitady. Sol sebepti, ásirese, demalys maýsymy qarsańynda saiahattaýshylardyń tańdaýy dollardan góri evroǵa túsýde kórinedi.
Búgin saitymyzda elimizdegi ekinshi deńgeidegi bankterdiń altyn quimalarynyń baǵasyn jariialaǵan bolatynbyz. Altynnyń bir ýntsiiasynyń quny 3 400 dollar bolyp, tarihi joǵary shekti igerdi. Osylaisha 2020 jyldyń basynan bastap qymbat metaldyń quny eki esege ósti, iaǵni ósim kórsetkishi - 100%-dan astam. QR Ulttyq banktiń 21 sáýirde bekitken 1 gramm altyn quny - 55 780,85 teńge. Aita ketsek, Goldman Sachs altyn ýntsiiasynyń quny 4500 dollarǵa deiin qymbattaitynyn bajailap, boljam jariialaǵan bolatyn. Keibir sarapshy mamandar jyl sońyna deiin bul baǵanyń 3600 dollardy quraitynyn boljaidy. 1 ýntsiiada shamamen 28 gramm altyn bar. Demek, Goldman Sachs boljamyna súiensek, 1 gramm altyn (999.9 quimasyndaǵy) 83 200 teńgege barýy yqtimal. Al jyl sońyna degen boljamdy baǵa sonda shamamen 67 myń teńge bolyp qalady.
