Qazaqstan balalardyń quqyqtaryn qorǵaý jáne olardyń ál-aýqatyn qamtamasyz etý deńgeii boiynsha álemniń aldyńǵy qatarly elderiniń qataryna qosyldy, dep habarlaidy dalanews.kz.
KidsRights Foundation pen Erasmus University Rotterdam ázirlegen KidsRights 2026 jahandyq indeksinde Qazaqstan 194 eldiń ishinde 24-orynǵa jaiǵasty. Eldiń jalpy kórsetkishi 0,797 balldy qurady.
Zertteý Birikken Ulttar Uiymynyń Balalar quqyqtary týraly konventsiiasyna qosylǵan memleketterdi qamtyǵan. Reiting balalardyń ómir súrý sapasy, densaýlyq saqtaý, bilim berý, quqyqtarynyń qorǵalýy jáne ómir súrý ortasynyń qolailylyǵy siiaqty birneshe negizgi kórsetkish boiynsha jasalǵan.
Biylǵy reitingte 0,871 ball jinaǵan Niderland kósh basynda tur. Al Qazaqstan Shyǵys Eýropa, Kavkaz jáne Ortalyq Aziiadaǵy birqatar memleketti basyp ozdy.
Zertteý avtorlarynyń málimetinshe, KidsRights indeksi álem elderindegi balalar quqyqtarynyń saqtalý deńgeiin baǵalaityn bedeldi halyqaralyq kórsetkishterdiń biri sanalady. Ol memleketterdiń osy saladaǵy saiasatynyń tiimdiligin saralap, qosymsha nazar aýdarýdy qajet etetin baǵyttardy anyqtaýǵa múmkindik beredi.
