Áleýmettik jelide Qazaqstan Halyq partiiasynyń jańadan sailanǵan tóraǵasy Nursultan Shoqanovtyń uly, bloger Ibragim Shoqanovtyń videosy qyzý talqyǵa tústi, dep habarlaidy dalanews.kz.
Túsirilim kezinde kórermenderdiń biri 16 jastaǵy TikTok blogerinen "Qazaq handyǵy qashan quryldy?" dep suraǵan.
Bloger "Bizde Qazaqstan tarihyn oqytpaidy. Bizde aǵylshyn mektebi" dep jaýap bergen.
Bul jaýap stýdiiadaǵy kórermenniń tańdanysyn týǵyzǵan. Kópshilik bul suraq Qazaqstan mektepterinde oqytylatyn negizgi taqyryptardyń biri ekenin aitqan.
Video áleýmettik jelide qyzý talqylanyp, jasóspirim Qazaqstan tarihyn bilmegeni úshin synǵa ushyraǵan. Sondai-aq, "mektepte bul pán oqytylmaidy" degen sózi de pikirtalasqa sebep bolǵan.
Jeli qoldanýshylary Ibragim Shoqanov Qazaqstan Halyq partiiasynyń jańa tóraǵasy Nursultan Shoqanovtyń uly ekenin de eske saldy.
Ázirge Nursultan Shoqanov ta, Ibragim Shoqanov ta jelide taraǵan videoǵa qatysty resmi pikir bildirgen joq.
Aita keteiik, jýyrda Ermuhamet Ertisbaev Qazaqstan Halyq partiiasynyń tóraǵalyǵynan ketip, ornyna 40 jastaǵy Nursultan Shoqanov sailandy.
