Aqtóbede UBT tapsyrýǵa kómektesemin degen muǵalim sottalyp ketti, dep habarlaidy Dalanews.kz.
Aqtóbe qalasynyń №2 soty J.-ǵa qatysty qylmystyq isti qaraǵan.
Sot málimetinshe, J mektep muǵalimi bola tura, Ulttyq biryńǵai testileýden ótkizip beremin dep, jábirlenýshilermen sóilesý barysynda 1 ball 7 000 teńge bolatynyn aitqan. 80 ball jinaý úshin árqaisy 560 000 tengeden usynǵan.
Sot otyrysynda sottalýshy kinásin tolyq moiyndaǵan. Onyń kinási jábirlenýshilerdiń jaýaptarymen, bank qaǵazdarymen dáleldengen.
Sot úkimimen J. QK-niń 190-baby 3-bóligi 3) tarmaǵymen kináli dep tanylyp, oǵan 3 jylǵa pedagogikalyq qyzmetpen ainalysý quqyǵynan aiyra otyryp, 3 jyl 6 aiǵa bas bostandyǵyn shekteý jazasy taǵaiyndaldy.
Dese de "Qazaqstan Respýblikasy Konstitýtsiiasynyń otyz jyldyǵyna bailanysty raqymshylyq jasaý týraly" Qazaqstan Respýblikasynyń zańynyń 3-baby 2-tarmaǵynyń 1) tarmaqshasyna sáikes túpkilikti 2 jyl 4 aiǵa bas bostandyǵyn shekteý jazasy taǵaiyndaldy.
Sot úkimi zańdy kúshine endi.
