Халықаралық валюта қоры (ХВҚ) қаңтар айына арналған есебін жариялады. Оған сәйкес, 2025 және 2026 жылдары әлемдік экономика өсімі болжанады. Соның ішінде Қазақстанның да, деп жазады Dalanews.kz.
ХВҚ есебіне сәйкес, жаһандық өсім 2024 жылы 3,2% болса, ал 2025 жылы бұл көрсеткіш 3,3%-ды құрап, 0,1 тармаққа көтеріледі деп болжанады.
Дамыған елдерде 2025 жылы өсім 0,1 тармақ қосып, 1,6% болатыны бажайланады. ХВҚ 2024 жылғы АҚШ экономикасының өсімін қайта қарастырып, 2,7% болатынын нақтылайды, бұл - қазан айындағы болжамнан 0,5 тармаққа жоғары. Болжамды жақсарту еңбек нарықтарындағы белсенділікпен және инвестициялардың жеделдеуімен байланысты, бірақ 2026 жылы өсімнің әлеуетті деңгейге дейін баяулайтыны күтіледі.
Қытай бойынша ХВҚ қараша айында жарияланған бюджеттік шаралар жиынтығына байланысты 2025 жылға арналған болжамын қазан айында болжанған 4,5%-дан 4,6%-ға дейін аздап жақсартты, бұл сауда саясаты мен жылжымайтын мүлік нарығындағы мәселелерге қатысты дүдамалдылықтың жоғарылауынан туындаған инвестицияларға теріс әсерді айтарлықтай өтейді. Алайда, ол Компартияның 5,0% таргетінен, әрине алшақ жатыр.
Керісінше, Үндістан бойынша 2025 және 2026 жылдары ХВҚ қазан айында болжаған әлеуетке сәйкес 6,5% деңгейіндегі сенімді өсімді сақтап қалды.
Ақыры, Қазақстан бойынша ХВҚ 2025 жылғы экономикалық өсімін қазан айындағы болжамда көрсетілген 4,6%-дан 5,5%-ға, рекордтық деңгейге дейін жақсартты. Бұл, ең алдымен, Теңіз кенішіндегі "Болашақ кеңею жобасы" есебінен мұнай өндірісі көлемінің артуымен байланысты. Сонымен қатар, 2026 жылғы болжамдағы көрсеткіш 2025 жылдағыдан бірден 1,4 тармаққа төмендейді деп күтіледі.
Айтқандай, 2024 жылғы болжамды өсім 3,5%-дан 4,0%-ға дейін жақсарды, дегенмен нақтысында бұл реттегі өсім жоғарырақ болатыны қазірдің өзінде түсінікті.
