13 наурызда Астанада танымал блогерлер Ерболат Жанәбілов пен Эльмира Төлегеноваға қатысты іс бойынша сот басталады. Бұл ақпаратты соттың баспасөз қызметі растаған, деп хабарлайды Dalanews.kz.
Сот мәліметінше, қылмыстық іс бойынша алдын ала тыңдау сағат 15:00-ге белгіленген.
Ақпаратты Қаржылық мониторинг агенттігі де растаған. Ведомствоның ақпаратына сүйенсек, Астана қаласы бойынша Экономикалық тергеу департаменті жүргізген сотқа дейінгі тергеу аяқталып, іс әрі қарай қарау үшін Астананың қылмыстық істер жөніндегі ауданаралық сотына жолданған.
Еске салайық, бұған дейін Қаржылық мониторинг агенттігі Жанәбіловтерге қатысты Қылмыстық кодекстің 214-бабы 1-бөлігі бойынша қылмыстық іс қозғағаны белгілі болды.
