Синоптиктер 10–12 сәуір аралығында Астана мен Алматы қалаларында ауа райы қандай болатынын айтты, деп хабарлайды Dalanews.kz.
Астанада 10 сәуірде күн құбылмалы бұлтты болады, түнде және таңертең жаңбыр жауады. Солтүстік-шығыстан соққан желдің жылдамдығы секундына 9–14 метрге жетеді. Ауа температурасы түнде +4…+6 градус, күндіз +7…+9 градус болады.
11 сәуірде жауын-шашынсыз, құбылмалы бұлтты ауа райы күтіледі. Түнде және таңертең тұман түседі. Жел солтүстік-шығыстан 5–10 м/с. Ауа температурасы түнде 0…-2 градусқа дейін төмендеп, күндіз +12…+14 градусқа дейін көтеріледі.
12 сәуірде күн құбылмалы бұлтты, күндіз жаңбыр жауады. Кей уақыттарда тұман байқалады. Желдің жылдамдығы 7–12 м/с. Ауа температурасы түнде 0…-2 градус, күндіз +14…+16 градус шамасында болады.
Ал Алматыда 10 сәуірде құбылмалы бұлтты ауа райы сақталады, түнде жаңбыр жауып, найзағай ойнайды. Жел оңтүстік-батыстан соғып, кейін солтүстік-батысқа ауысады, жылдамдығы 3–8 м/с. Ауа температурасы түнде +8…+10 градус, күндіз +18…+20 градус болады.
11 сәуірде түнде жаңбыр мен найзағай күтіледі. Солтүстік-шығыс желі 3–8 м/с, түнде екпіні 15 м/с-қа дейін күшейеді. Ауа температурасы түнде +5…+7 градус, күндіз +20…+22 градусқа дейін жетеді.
12 сәуірде жауын-шашынсыз, құбылмалы бұлтты ауа райы болжанып отыр. Жел 3–8 м/с. Түнде +6…+8 градус, күндіз +22…+24 градус болады.
Синоптиктердің мәліметінше, алдағы күндері Қазақстанда ауа райы тұрақсыз болады: жаңбыр, найзағай және екпінді жел күтіледі. Елдің солтүстік-батысында, солтүстігінде және оңтүстік-шығысында жауын-шашын мол түседі. Батыс, солтүстік және оңтүстік-шығыс өңірлерде түнде жаңбыр аралас қар жаууы мүмкін. Шығыста қар, боран және көктайғақ болжанып отыр.
