Sinoptikter 10–12 sáýir aralyǵynda Astana men Almaty qalalarynda aýa raiy qandai bolatynyn aitty, dep habarlaidy Dalanews.kz.
Astanada 10 sáýirde kún qubylmaly bultty bolady, túnde jáne tańerteń jańbyr jaýady. Soltústik-shyǵystan soqqan jeldiń jyldamdyǵy sekýndyna 9–14 metrge jetedi. Aýa temperatýrasy túnde +4…+6 gradýs, kúndiz +7…+9 gradýs bolady.
11 sáýirde jaýyn-shashynsyz, qubylmaly bultty aýa raiy kútiledi. Túnde jáne tańerteń tuman túsedi. Jel soltústik-shyǵystan 5–10 m/s. Aýa temperatýrasy túnde 0…-2 gradýsqa deiin tómendep, kúndiz +12…+14 gradýsqa deiin kóteriledi.
12 sáýirde kún qubylmaly bultty, kúndiz jańbyr jaýady. Kei ýaqyttarda tuman baiqalady. Jeldiń jyldamdyǵy 7–12 m/s. Aýa temperatýrasy túnde 0…-2 gradýs, kúndiz +14…+16 gradýs shamasynda bolady.
Al Almatyda 10 sáýirde qubylmaly bultty aýa raiy saqtalady, túnde jańbyr jaýyp, naizaǵai oinaidy. Jel ońtústik-batystan soǵyp, keiin soltústik-batysqa aýysady, jyldamdyǵy 3–8 m/s. Aýa temperatýrasy túnde +8…+10 gradýs, kúndiz +18…+20 gradýs bolady.
11 sáýirde túnde jańbyr men naizaǵai kútiledi. Soltústik-shyǵys jeli 3–8 m/s, túnde ekpini 15 m/s-qa deiin kúsheiedi. Aýa temperatýrasy túnde +5…+7 gradýs, kúndiz +20…+22 gradýsqa deiin jetedi.
12 sáýirde jaýyn-shashynsyz, qubylmaly bultty aýa raiy boljanyp otyr. Jel 3–8 m/s. Túnde +6…+8 gradýs, kúndiz +22…+24 gradýs bolady.
Sinoptikterdiń málimetinshe, aldaǵy kúnderi Qazaqstanda aýa raiy turaqsyz bolady: jańbyr, naizaǵai jáne ekpindi jel kútiledi. Eldiń soltústik-batysynda, soltústiginde jáne ońtústik-shyǵysynda jaýyn-shashyn mol túsedi. Batys, soltústik jáne ońtústik-shyǵys óńirlerde túnde jańbyr aralas qar jaýýy múmkin. Shyǵysta qar, boran jáne kóktaiǵaq boljanyp otyr.
