Қостанайда аквапарк ғимаратын жөндеуге 10 млрдқа жуық мемлекеттік қаражат жұмсау жоспарланып отыр, деп хабарлайды Dalanews.kz.

“Тапсырыс беруші – Қостанай облысы әкімдігінің құрылыс, сәулет және қала құрылысы басқармасы; нысан атауы – тұрғын емес ғимараттар/құрылыстар салу (құрылыс жұмыстары); қосымша сипаттама – Қостанай облысы әкімдігінің дене шынықтыру және спорт басқармасына қарасты Қостанай қаласының балалар мен жасөспірімдер спорт мектебі” КММ балансындағы “Сегізаяқ” аквапарк ғимаратын жөндеу жұмыстары. Жоспарланған сома – 9 669 753 549 теңге”, – делінген мемлекеттік сатып алу порталында жарияланған лот сипаттамасында.

Конкурсқа қатысу үшін алдын ала өтінім қабылдау 27 ақпан мен 4 наурыз аралығында өтеді.Һ

Еске сала кетейік, 28 қаңтарда үкіметтің кеңейтілген отырысында салықтардың өсуі тақырыбы талқыланған кезде Қазақстан президенті Қасым-Жомарт Тоқаев бюджет қаражатын үнемдеу және шығындарды қатаң бақылау қажеттігін айтып, экономикалық дағдарыстың алдын алу үшін “белді қаттырақ байлап, барға қанағат ету” керегін мәлімдеген болатын.